ஐபிஎல் புள்ளிகள் பட்டியல்: கொல்கத்தாவைக் கீழே தள்ளியது ஹைதராபாத்!

ஐபிஎல் கிரிக்கெட் போட்டியின் 37-வது லீக் ஆட்டத்தில் 85 ரன்கள் வித்தியாசத்தில் மும்பை இண்டியன்ஸ் அணியைத் தோற்கடித்தது சன்ரைஸர்ஸ் ஹைதராபாத்.

அந்த அணியின் தொடக்க வீரர் ஷிகர் தவன் 57 பந்துகளில் 1 சிக்ஸர், 10 பவுண்டரிகளுடன் ஆட்டமிழக்காமல் 82 ரன்கள் குவித்தார். வேகப்பந்து வீச்சாளர் ஆசிஷ் நெஹ்ரா 3 ஓவர்களில் 15 ரன்களை மட்டுமே கொடுத்து 3 விக்கெட்டுகளை வீழ்த்தி மும்பையை சரிவுக்குள்ளாக்கினார். ஆசிஷ் நெஹ்ரா ஆட்டநாயகனாகத் தேர்வு செய்யப்பட்டார்.

இதுவரை 9 ஆட்டங்களில் விளையாடியுள்ள ஹைதராபாத் 6-வது வெற்றியைப் பெற்றுள்ளது. அதேநேரத்தில் 10 ஆட்டங்களில் விளையாடியுள்ள மும்பை அணி 5-வது தோல்வியை சந்தித்துள்ளது.

சுருக்கமான ஸ்கோர்

ஹைதராபாத் 177/3 ஷிகர் தவன் 82* (57), டேவிட் வார்னர் 48 (33), யுவராஜ் சிங் 39 (23), ஹர்பஜன் சிங் 2வி/29

மும்பை 92 ஹர்பஜன் சிங் 21*(22), கிருனால் பாண்டியா 17 (11), ஆசிஷ் நெஹ்ரா 3வி/15, முஸ்தாபிஜுர் 3வி/16

பிரவீண் குமார், தினேஷ் கார்த்திக் அபாரம்

ஐபிஎல் கிரிக்கெட் போட்டியின் 38-ஆவது லீக் ஆட்டத்தில் 5 விக்கெட் வித்தியாசத்தில் கொல்கத்தா நைட் ரைடர்ûஸ தோற்கடித்தது குஜராத் லயன்ஸ்.

முதலில் விளையாடி, 20 ஓவர்களில் 4 விக்கெட் இழப்புக்கு 158 ரன்கள் சேர்த்தது கொல்கத்தா. யூசுப் பதான் 41 பந்துகளில் 1 சிக்ஸர், 7 பவுண்டரிகளுடன் 63, ஷகிப் அல்ஹசன் 49 பந்துகளில் 4 சிக்ஸர், 4 பவுண்டரிகளுடன் 66 ரன்கள் எடுத்து ஆட்டமிழக்காமல் இருந்தனர். குஜராத் தரப்பில் பிரவீண் குமார் 4 ஓவர்களில் 19 ரன்களை மட்டுமே கொடுத்து 2 விக்கெட்டுகளை வீழ்த்தினார்.

பின்னர் ஆடிய குஜராத் அணி 18 ஓவர்களில் 5 விக்கெட் இழப்புக்கு 164 ரன்கள் குவித்து வெற்றி கண்டது. அந்த அணியில் அதிகபட்சமாக தினேஷ் கார்த்திக் 29 பந்துகளில் 1 சிக்ஸர், 8 பவுண்டரிகளுடன் 51 ரன்கள் குவித்தார். பிரென்டன் மெக்கல்லம், ஆரோன் ஃபிஞ்ச் ஆகியோர் தலா 29 ரன்கள் சேர்த்தனர். பிரவீண் குமார் ஆட்டநாயகனாகத் தேர்வு செய்யப்பட்டார். இதன்மூலம் 7-வது வெற்றியைப் பெற்ற குஜராத் அணி புள்ளிகள் பட்டியலில் முதலிடத்துக்கு முன்னேறியுள்ளது.

சுருக்கமான ஸ்கோர்

கொல்கத்தா 158/4 யூசுப் பதான் 63 (41), ஷகிப் அல்ஹசன் 66 (49), பிரவீண் குமார் 4வி/19

குஜராத் 164/5 தினேஷ் கார்த்திக் 51 (29), பிஞ்ச் 29 (10)

புள்ளிகள் பட்டியல்