ஆடு, கறவை மாடுகள் பெறுவதற்கு பயனாளிகளை தேர்வு செய்ய ஜூலை-1ல் கிராம சபை கூட்டம்

விருதுநகர் மாவட்டத்தி்ல விலையில்லா ஆடு மற்றும் கறவை மாடுகள் பெறுவதற்கு ஜூலை 1-ம் தேதி கிராம சபைக் கூட்டத்தை நடத்தி  பயனாளிகளிடம் விண்ணப்பங்கள் பெற்று தகுதியானவர்களை தேர்வு செய்ய வேண்டும் என மாவட்ட ஆட்சியர் டி.என்.ஹரிஹரன் உத்தரவிட்டுள்ளார்.

இது தொடர்பாக அவர் வெளியிட்டுள்ள செய்தி குறிப்பில்:

இந்த  ஆண்டில் விலையில்லா ஆடு, கறவை மாடுகள் வருகிற ஆகஸ்டு மாதம் வழங்கப்பட இருக்கிறது. இதில் விலையில்லா ஆடுகள் வழங்குவதற்கு  ஊராட்சி ஒன்றியங்களில் குறிப்பிட்ட கிராமங்களில் உள்ள பயனாளிகள் தேர்வு செய்யப்பட்டுள்ளனர்.அதன் அடிப்படையில் காரியப்பட்டி ஒன்றியத்தில் மாந்தோப்பு-31, மேலக்கன்னாங்குளம்-37, நரிக்குடி ஒன்றியத்தில் நல்லுக்குறிச்சி-30, நாலூர்-28, ராஜபாளையம் ஒன்றியத்தில் வடக்கு தேவதானம்-52, சாத்தூர் ஒன்றியத்தில் என்.மேட்டுப்பட்டி-39, சிவகாசி ஒன்றியத்தில் நெடுங்குளம்-22, ஊராம்பட்டி-36, ஸ்ரீவில்லிபுத்தூர் ஒன்றியத்தில் கொத்தங்குளம்-80, முள்ளிக்குளம்-31, திருச்சுழி ஒன்றியத்தில் மிதிலைக்குளம்-62, வெம்பக்கோட்டை ஒன்றியத்தில் கனஞ்சான்பட்டி-19, விருதுநகர் ஒன்றியத்தில் கோட்டநத்தம்-20, குந்தலப்பட்டி-17 வத்திராயிருப்பு ஒன்றியத்தில் மகராஜபுரம்-92 என மொத்தம் 596 பயனாளிகளுக்கு வழங்கப்பட இருக்கிறது.

அதேபோல், கறவை மாடுகள் வழங்க குறிப்பிட்ட ஊராட்சிகளில் பயணிகள் தேர்வு செய்யப்பட்டுள்ளனர். அதில், காரியாபட்டி ஒன்றியத்தி்ல பாப்பனம்-50, வெம்பக்கோட்டை ஒன்றியத்தில் சுப்பிரமணியபுரம் கிராமத்தில்-50 என மொத்தம் 100 பயனாளிகளுக்கு வழங்கப்பட இருக்கிறது.எனவே இது தொடர்பாக விலையில்லா ஆடு, கறவை மாடுகள் வழங்குவதற்கு தேர்வு செய்யப்பட்ட கிராமங்களில் ஜூலை-1ம் தேதி கிராம சபைக் கூட்டத்தை நடத்தி பயனாளிகளிடம் இருந்து விண்ணப்பங்களை பெற்று தகுதியானவர்களை தேர்வு செய்ய வேண்டும். அதோடு, இத்திட்டம் குறித்து கிராம மக்களிடையே விழிப்புணர்ச்சியையும் ஏற்படுத்த முன்வர வேண்டும் என மாவட்ட ஆட்சியர் டி.என்.ஹரிஹரன் கேட்டுக் கொண்டுள்ளார்.