சிரி... சிரி...

என்ன அமைச்சரே, ஒருத்தன் ஜல்லி கரண்டியோடு போருக்கு வர்றான்?

'ஆள் போதவில்லை என்று சமையல்காரனைக் கூட்டி வந்து விட்டோம், மன்னா!'

-அ.ரியாஸ், சேலம்.



'அந்தப் பேய்ப் படத்தில் ஹவுஸ் புல் போர்டு தொங்குது... ஆனால், உள்ளே யாரையும் காணோமே?'

' உஷ்! இது பேய்களுக்கான ஸ்பெஷல் ஷோவாம்!'

-மஞ்சுதேவன், பெங்களூரு.



'டேய், வாயை ஊதுடா... குடிச்சிருக்கேதானே?'

'இல்லை சார்... உப்புமா தான் சாப்பிட்டுட்டு வந்தேன்!'

'சரி சரி... போ போ... இதை விட பெரிய தண்டனை உனக்குக் கிடையாது!'

-நடேஷ் கன்னா, கல்லிடைக் குறிச்சி.



'கிளீனிக் கேன்டீன்ல வாங்குன பஜ்ஜின்னு எப்படிக் கண்டுபிடிச்சே?'

'அதான் பார்சல் மேல பிளாஸ்திரி ஒட்டியிருக்கே!'

- பர்வதவர்த்தினி, பம்மல்.



'ஆபரேஷனுக்கு வரும் பேஷண்ட் கூட இருக்கும் அட்டெண்டருக்கும் எதுக்கு மயக்க மருந்து கொடுக்கணும், டாக்டர்?'

'அவரு ரொம்ப கேள்வி கேட்குறாரு!'

-தஞ்சை. பா.சக்திவேல்



'என்ன நீ... உன் கணவரைப் பார்த்து 'நீங்க பண்றது உங்களுக்கே நல்லா இருக்கா?'ன்னு கேட்கிறே?'

'நான் கேட்டது அவரோட சமையலை!'



'அந்த ரியல் எஸ்டேட் அதிபர் சரியான குடிகாரர்னு எப்படிச் சொல்றீங்க?'

'புதுசா வீட்டு மனை விற்கும் போது, 'டாஸ்மாக் கடை அருகில்'னு விளம்பரம் பண்றாரே!'

-தீபிகா சாரதி, சென்னை.



'கணவருக்கு தூக்கத்துல நடக்குற வியாதி இருக்குறதுக்கு ஏன் பயப்படுறீங்க?'

'வீட்டுக்குப் பக்கத்துல பெருசா ஆழ்துளைக் கிணறு தோண்டி வச்சிருக்காங்க, டாக்டர்!'



'பொண்ணு ஓவரா பேசும்னு சொல்லியும் வரன் எப்படிச் சம்மதிச்சார்?'

'அவர், பட்டிமன்ற நடுவராம்!'



'புத்தகக் கண்காட்சி எப்படி இருந்ததுன்னு கேட்டா, சுவையா இருந்துச்சின்னு சொல்றியே?'

'நான் வாங்கினது டெல்லி அப்பளம் தானே!'



'பரீட்சையில முட்டை வாங்கிட்டு வந்து நிக்கறீயே, தாங்க முடியல...'

'கடையில வாங்கிட்டு வருவேனே... அப்படி நெனச்சிக்குங்க, அம்மா!'

-முபீன், சென்னை.



'பொண்ணு பார்க்கப் போயிருந்தீயே, என்னாச்சுடா மாப்ள?'

'வேற ஒரு பையனும் பாத்துட்டுப் போயிருக்கானாம். அவன் வேண்டாம்னா பார்க்கலாம்னு சொல்லி இருக்காங்க!'



'புலவருக்குப் பின்னால் இரண்டு பேர் வருகிறார்களே, அவர்கள் யார்?'

'பின்பாட்டு பாடுபவர்களாம், மன்னா!'



'இந்த டாக்டர் மாஸ்கை கழட்டுறதே இல்லையே, ஏன்?'

'டாக்டர் மூஞ்சியைக் காட்டுறார்னு இனிமேல் யாரும் சொல்ல முடியாது பாருங்க!'



'பஜ்ஜி என்னப்பா தொண்டையில குத்துது?'

'இது ஊசி மிளகாய் பஜ்ஜி, சார்!'



'பதுங்குக் குழியில் இருந்த மன்னரை எதிரி எப்படிச் சிறை பிடித்தான்?'

'எதிரி வருகிறானா என்று வெளியே வந்து எட்டிப் பார்த்த போது, லாகவமாகப் பிடித்து விட்டானாம்!'



'போர் வரப்போகிறது என்று எப்படிச் சொல்கிறாய்?'

'ஒரு மாதத்துக்குத் தேவையான உணவுப் பொருள்கள் பதுங்குக் குழிக்குச் செல்கிறதே...!'

-வி.ரேவதி, தஞ்சை.'