டாலருக்கு நிகரான ரூபாயின் மதிப்பு: சந்தை நிலவரமே காரணம்- மத்திய நிதியமைச்சா் நிா்மலா சீதாராமன்

அமெரிக்க டாலருக்கு நிகரான இந்திய ரூபாயின் மதிப்பு சந்தை நிலவரத்தின் அடிப்படையில் தீா்மானிக்கப்படுவதாக மத்திய நிதியமைச்சா் நிா்மலா சீதாராமன் தெரிவித்துள்ளாா்.

இதுகுறித்து மாநிலங்களவையில் எழுப்பப்பட்ட கேள்விக்கு அவா் எழுத்துபூா்வமாக செவ்வாய்க்கிழமை அளித்த பதில்: அந்நிய செலாவணிக்கு நிகராக இந்திய ரூபாய்க்கு என்ன மதிப்பு இருக்க வேண்டும், என்ன வரம்புக்குள் அந்த மதிப்பு இருக்க வேண்டும் என்று மத்திய அரசோ, ரிசா்வ் வங்கியோ தீா்மானிப்பதில்லை. சந்தை நிலவரத்தின் அடிப்படையில்தான் டாலருக்கு நிகரான ரூபாயின் மதிப்பு தீா்மானிக்கப்படுகிறது.

அந்நிய செலாவணிக்கு நிகராக ரூபாய் மதிப்பில் ஏற்படும் மாற்றம் உள்பட முக்கிய பொருளாதார அளவீடுகளின் போக்குகளையும், அவை பொருளாதார வளா்ச்சி மற்றும் நிதி ஸ்திரத்தன்மையில் ஏற்படுத்தும் தாக்கங்களையும் மத்திய அரசு உன்னிப்பாக கவனித்து வருகிறது.

இந்த விவகாரங்கள் குறித்து மத்திய அரசின் பல்வேறு தளங்களில் பல நிலைகளில் விவாதிக்கப்படுகின்றன.

மேலும் டாலருக்கு நிகரான ரூபாயின் மதிப்பில் தாக்கத்தை ஏற்படுத்தக் கூடிய உலகளாவிய முக்கிய நிகழ்வுகளை ரிசா்வ் வங்கி உன்னிப்பாக கவனித்து வருகிறது என்று தெரிவித்தாா்.

கடந்த செவ்வாய்க்கிழமை வா்த்தகத்தின் தொடக்கத்தில் டாலருக்கு நிகரான ரூபாயின் மதிப்பு சரிவை சந்தித்து, பின்னா் 12 காசுகள் உயா்ந்து ரூ.96.24-ஆக நிலைப்பெற்றது.