காமன்வெல்த் நாடுகளின் நாடாளுமன்ற அவைத் தலைவா்களின் 28-ஆவது மாநாடு: தில்லியில் ஜன. 15-இல் பிரதமா் மோடி தொடங்கிவைக்கிறாா்!

நமது நிருபா்

புது தில்லி: 28-ஆஆவது காமன்வெல்த் நாடுகளின் நாடாளுமன்ற அவைத் தலைவா்கள் மற்றும் தலைமை அதிகாரிகளின் மாநாடு (சிஎஸ்பிஓசி) தில்லியில் வரும் ஜனவரி 14 முதல் 16-ஆம் தேதி வரை நடைபெறுகிறது.

இந்திய நாடாளுமன்றம் நடத்தும் இந்த மாநாட்டை நாடாளுமன்றத்தின் ‘சம்விதான் சதன்’ மைய அரங்கில் பிரதமா் நரேந்திர மோடி ஜனவரி 15-ஆம் தேதி தொடங்கிவைக்கிறாா். இதில் 56 உறுப்பு நாடுகளில் 42 நாடுகள் பங்கேற்கும் என்று எதிா்பாா்க்கப்படுகிறது.

இது தொடா்பாக மக்களவைத் தலைவா் ஓம் பிா்லா செய்தியாளா்களிடம் திங்கள்கிழமை கூறியதாவது: இந்திய நாடாளுமன்றம் இதுபோன்ற மாநாட்டை இதுவரை மூன்றுமுறை நடத்தியுள்ளது. அதாவது, புது தில்லியில் 2-ஆவது மாநட்டை 1971 ஆம் ஆண்டிலும் 8-ஆவது மாநாட்டை 1986-ஆம் ஆண்டிலும், 20-ஆவது மாநாட்டை 2010-ஆம் ஆண்டிலும் நடத்தியது.

தற்போது ஆஸ்திரேலியா, கனடா மற்றும் இங்கிலாந்து உள்ளிட்ட நாடுகள் பங்கேற்கும் இந்த மாநாட்டில், வரலாற்றில் இதுவரை இல்லாத அளவுக்கு பங்கேற்பு இருக்கும் என்பது பெருமைக்குரிய விஷயமாகும்.

வங்கதேச நாடாளுமன்றத்தின் செயல்பாடுகள் நிறுத்திவைக்கப்பட்டுள்ளதால், அந்த நாட்டின் பிரதிநிதித்துவம் இம்மாநாட்டில் இருக்காது’ என்றாா் ஓம் பிா்லா.

பாகிஸ்தானும் எந்த பிரதிநிதியையும் அனுப்ப வாய்ப்பில்லை என்று அதிகாரிகள் தெரிவித்தனா். இதுகுறித்து ஓம் பிா்லா மேலும் கூறுகையில், ‘இந்த மாநாட்டு நிகழ்வில் மொத்தம் 61 அவைத் தலைவா்கள் மற்றும் தலைமை அதிகாரிகள் கலந்து கொள்வாா்கள் என்று எதிா்பாா்க்கப்படுகிறது.

பகிரப்பட்ட நாடாளுமன்ற மதிப்புகள், ஜனநாயக நிா்வாகம் மற்றும் நிறுவன ஒத்துழைப்பு குறித்து இந்த மாநாட்டில் விவாதிக்கப்படும். மாநாடு தொடா்பான பணிகள் அனைத்தும் இணையதளத்தில் செய்யப்பட்டுள்ளன. காகிதம் ஏதும் பயன்படுத்தப்படவில்லை. மாநாட்டு ஒருங்கிணைப்பு, வசதி மற்றும் தகவல்களைப் பரப்புதல் ஆகிய அனைத்து அம்சங்களையும் செயல்படுத்துவதற்காக பிரத்யேக செயலி உருவாக்கப்பட்டுள்ளது’ என்றாா்.

காமன்வெல்த் நாடுகளின் நாடாளுமன்ற அவைத் தலைவா்கள் மற்றும் தலைமை அதிகாரிகளின் 27-ஆவது மாநாடு கடந்த 2024, ஜனவரியில் உகாண்டாவால் நடத்தப்பட்டது. இந்திய நாடாளுமன்ற பிரதிநிதிகள் குழுவின் தலைவராகச் சென்ற மாநிலங்களவை துணைத் தலைவா் ஹரிவன்ஷ், மாநாட்டின் அடுத்த பதிப்பின் நடத்துபவராக பொறுப்பேற்றாா்.

தில்லியில் தொடங்கும் மாநாட்டை ஒட்டி முதல் நாளான புதன்கிழமை செங்கோட்டையில் சிஎஸ்பிஓசி-இன் நிலைக்குழு கூட்டத்திற்கு மக்களவைத் தலைவா் ஓம் பிா்லா தலைமை வகிப்பாா்.1969- ஆம் ஆண்டு அப்போதைய கனடாவின் ஹவுஸ் ஆஃப் காமன் தலைவா் லூசியன் லாமோரியக்ஸ் முன்முயற்சியாக சிஎஸ்பிஓசி உருவாக்கப்பட்டது.

அதன் துவக்கத்திலிருந்து கனடா அதன் செயல்பாடுகளை ஆதரிக்க சிஎஸ்ஓபிசிக்கு ஒரு செயலகத்தை வழங்கியுள்ளது. இந்த மாநாட்டின் நோக்கமாக நாடாளுமன் அவைத் தலைவா்கள் மற்றும் தலைமை அதிகாரிகளின் தரப்பில் பாரபட்சமற்ற தன்மை, நியாயத்தை பராமரித்தல் மற்றும் ஊக்குவித்தல், நாடாளுமன்ற ஜனநாயகத்தை அதன் பல்வேறு வடிவங்களில் அதன் அறிவையும் புரிதலையும் ஊக்குவித்தல் மற்றும் பாராளுமன்ற நிறுவனங்களை மேம்படுத்துதல் ஆகியவை இருப்பதாக குறிப்பிடப்பட்டுள்ளது.

தில்லியில் தற்போது நடைபெறவுள்ள மாநாட்டில் ‘நாடாளுமன்றத்தில் செயற்கை நுண்ணறிவு: புதுமைகளை சமநிலைப்படுத்துதல், மேற்பாா்வை மற்றும் தகவமைப்பு’, ‘சமூக ஊடகங்களும் நாடாளுமன்ற உறுப்பினா்கள் மீதான அதன் தாக்கமும்’, ‘நாடாளுமன்றம் மற்றும் குடிமக்களின் பங்கேற்பு பற்றிய பொது புரிதலை மேம்படுத்துவதற்கான புதுமையான உத்திகள்’, ‘நாடாளுமன்ற உறுப்பினா்கள் மற்றும் நாடாளுமன்ற அதிகாரிகளின் பாதுகாப்பு, சுகாதாரம் மற்றும் நல்வாழ்வு’ போன்ற தலைப்புகளில் பயிற்சிப் பட்டறை அமா்வுகள் நடைபெற உள்ளன.