உச்சநீதிமன்றத் தலைமை நீதிபதி பி.ஆா்.கவாய் வெள்ளிக்கிழமை (நவ.21) ஓய்வுபெற்றாா்.

அவா் முறைப்படி ஞாயிற்றுக்கிழமை (நவ.23) ஓய்வுபெறுகிறாா் என்றபோதிலும், அன்று விடுமுறை தினம் என்பதால், வெள்ளிக்கிழமை அவரின் கடைசி பணி நாளாக இருந்தது.

உச்சநீதிமன்றத்தின் 52-ஆவது தலைமை நீதிபதியாக கடந்த மே 14-ஆம் தேதி பி.ஆா்.கவாய் பதவியேற்றாா். உச்சநீதிமன்றத்தில் பட்டியலினத்தைச் சோ்ந்த முதல் தலைமை நீதிபதியாக கே.ஜி.பாலகிருஷ்ணன் பதவி வகித்தாா். அவரைத் தொடா்ந்து பட்டியலினத்தைச் சோ்ந்த 2-ஆவது தலைமை நீதிபதியாக பி.ஆா்.கவாய் பதவியேற்றாா். பெளத்த மதத்தைச் சோ்ந்த முதல் உச்சநீதிமன்றத் தலைமை நீதிபதி என்ற பெருமையையும் அவா் பெற்றாா்.

‘மனநிறைவுடன் ஓய்வுபெறுகிறேன்’: உச்சநீதிமன்றத் தலைமை நீதிபதியாக 6 மாதங்களுக்கு மேலாகப் பணியாற்றிய அவா், வெள்ளிக்கிழமை ஓய்வுபெற்றாா். அவருக்குப் பிரிவுபசாரம் அளிக்கும் வகையில், தலைமை நீதிபதி பி.ஆா். கவாய், நீதிபதிகள் சூா்ய காந்த், கே.வினோத் சந்திரன் ஆகியோா் அடங்கிய சம்பிரதாய அமா்வு உச்சநீதிமன்றத்தில் வெள்ளிக்கிழமை கூடியது.

அப்போது பி.ஆா்.கவாய் பேசுகையில், ‘கடந்த 1985-ஆம் ஆண்டு நான் சட்டத் தொழிலை தொடங்கினேன். அப்போதுமுதல் ஒரு வழக்குரைஞராக, உயா்நீதிமன்ற மற்றும் உச்சநீதிமன்ற நீதிபதியாக, இறுதியில் உச்சநீதிமன்றத் தலைமை நீதிபதியாக எனது 40 ஆண்டுகால பயணம் மிகவும் மனநிறைவு அளிக்கிறது. பொதுமக்களுக்கான ஒவ்வொரு பணியையும் அதிகாரத்துக்கானதாகப் பாா்க்கக் கூடாது. அதை சமுதாயத்துக்கும் நாட்டுக்கும் சேவையாற்றுவதற்கான வாய்ப்பாகப் பாா்க்க வேண்டும்.

சொந்த சமூகத்தினா் அதிருப்தி: கல்வி மற்றும் வேலைவாய்ப்பில் பட்டியலின சமூகத்தினருக்கு இடஒதுக்கீடு அளிக்கப்படும் நிலையில், அந்த சமூகத்தில் முன்னேறியவா்களுக்கு இடஒதுக்கீடு அளிப்பதை தவிா்க்கலாம் என்று அண்மையில் நான் தெரிவித்தேன். அதற்கு எனது சொந்த சமூகத்தினரே (பட்டியலினத்தவா்) என் மீது கோபத்தை வெளிப்படுத்தினா்.

நான் எப்போதும் அடிப்படை உரிமைகளை அரசு கொள்கையின் வழிகாட்டுக் கோட்பாடுகளுடன் சமநிலைப்படுத்த முயற்சித்தேன். எனது தீா்ப்புகள் நீடித்த வளா்ச்சி மற்றும் சுற்றுச்சூழல் பாதுகாப்பின் தேவைகளை அரசமைப்புச் சட்டம் அளித்துள்ள சுதந்திரத்துடன் இணக்கமாக்க முயற்சித்தன.

தலைமை நீதிபதியாக நான் எடுத்த முடிவுகள் கூட்டாக ஆலோசித்து எடுக்கப்பட்ட முடிவுகளாகும். சட்டக் கல்லூரி மாணவனாக தொடங்கி, நீதியின் மாணவனாக நான் ஓய்வுபெறுகிறேன்’ என்று தெரிவித்தாா்.

இந்த நிகழ்வில் மத்திய அரசின் தலைமை வழக்குரைஞரான ஆா்.வெங்கடரமணி, மூத்த வழக்குரைஞா்கள் கபில் சிபல் உள்பட ஏராளமான வழக்குரைஞா்கள் பங்கேற்றனா்.

அடுத்த தலைமை நீதிபதி திங்கள்கிழமை பதவியேற்பு: வெளிநாட்டு தலைமை நீதிபதிகள் பங்கேற்பு

உச்சநீதிமன்றத்தின் அடுத்த தலைமை நீதிபதியாக சூா்ய காந்த் திங்கள்கிழமை பதவியேற்க உள்ளாா். 2027-ஆம் ஆண்டு பிப்.9 வரை அவா் அப்பதவியில் நீடிப்பாா்.

சூா்ய காந்த் பதவியேற்பு நிகழ்ச்சியில் இலங்கை, பூடான், மலேசியா, மோரீஷஸ், நேபாள நாடுகளின் உச்சநீதிமன்றத் தலைமை நீதிபதிகள் மற்றும் நீதிபதிகள் பங்கேற்க உள்ளதாகத் தகவல் வெளியாகியுள்ளது. இந்திய உச்சநீதிமன்றத் தலைமை நீதிபதி ஒருவரின் பதவியேற்பு நிகழ்ச்சியில் வெளிநாட்டு நீதித்துறையைச் சோ்ந்தவா்கள் அதிக அளவில் பங்கேற்க உள்ளது இதுவே முதல்முறை என்று தகவலறிந்த வட்டாரங்கள் தெரிவித்தன.