மிக லாவகமாக படியேறும் யானை: விடியோவைப் பாருங்கள் அசந்து போவீர்கள்

புது தில்லி: சாலையோரம் இருக்கும் நேரான படிகட்டுகளை மிக அழகாக ஏறிச் செல்லும் யானையின் விடியோ இன்று பரவலாகப் பகிரப்பட்டு வருகிறது.

இந்திய வனத்துறை அதிகாரி (ஐஎஃப்எஸ்) பிரவீன் கஸ்வான் தனது டிவிட்டர் பக்கத்தில், இந்த யானை மிக அழகாக படிகட்டுகளைப் பயன்படுத்துகிறது. மேலேச் செல்ல வேறு வழிகள் இருந்தாலும், படிகட்டு வழியாகச் செல்கிறது. கடைசியாக இந்த பார்வை நமக்கு பல விஷயங்களைச் சொல்கிறது என்று பதிவிட்டு ஒரு விடியோவை இணைத்துள்ளார்.

மேலும் அவர் கூறியிருப்பதாவது, பாருங்களேன், படிகட்டுகளை இந்த யானை எவ்வளவு லாவகமாகப் பயன்படுத்துகிறது. யானைகள் மிக திறமைமிக்க விலங்கு. இவைகள் மிக எளிதாகக் கற்றுக் கொள்ளும். இதுபோன்று பல்வேறு தடுப்புகளையும் எவ்வாறு கடப்பது என்பதையும் எளிதாகவே தெரிந்து கொள்கின்றன, தங்களது வாழ்க்கைக்காக என்றும் அவர் கூறியுள்ளார்.

மேலும் படிக்க.. மாங்காய் சாப்பிட ஆசைப்பட்டு 5 அடி சுவரை ஏறிக் குதித்த யானை

இந்த விடியோவில், ஒரு யானை படிகட்டுகளை மிக லாவகமாக ஏறிச் சென்று, திரும்பி ஒரு பார்வை பார்க்கிறது.

இந்த விடியோவுக்கு 2.4K விருப்பங்கள் (லைக்) பதிவு செய்யப்பட்டுள்ளது. 33.2K முறை பார்க்கப்பட்டுள்ளது.