மத்திய அரசு நிறுவனத்தில் வேலை: ஐடிஐ, பிஇ, பி.எஸ்சி முடித்தவர்களுக்கு வாய்ப்பு!

பெங்களூருவில் செயல்பட்டு வரும் சென்டரல் பவர் ரிசர்ச் இன்ஸ்டியூட் இல் நிரப்பப்பட உள்ள பல்வேறு பணியிடங்களுக்கு ஐடிஐ, பிஇ, பி.எஸ்சி முடித்தவர்களிடம் இருந்து ஆன்லைன் மூலம் விண்ணப்பங்கள் வரவேற்கப்படுகின்றன.

விளம்பர எண்.CPRI/11/2022 

பணி: Engineering Officer - Grade-I
காலியிடங்கள்: 20
சம்பளம்: மாதம் ரூ.44,900
வயதுவரம்பு: 30க்குள் இருக்க வேண்டும்.
தகுதி: எலக்ட்ரிக்கல், கம்யூனிகேசன், சிவில், மெக்கானிக்கல் போன்ற பிரிவில் பி.இ., பி.டெக் முடித்திருக்க வேண்டும். 2021, 2022 இல் நடைபெற்ற GATE தேர்வில் தேர்ச்சி பெற்றிருக்க வேண்டும்.

பணி: Scientific/Engineering Assistant
காலியிடங்கள்: 7
சம்பளம்: மாதம் ரூ.35,400
வயதுவரம்பு: 35க்குள் இருக்க வேண்டும்.
தகுதி: வேதியியல் பிரிவில் முதல் வகுப்பு தேர்ச்சி பெற்று பி.எஸ்சி பட்டம் பெற்றிருப்பதுடன் 5 ஆண்டுகள் பணி அனுபவம் பெற்றிருக்க வேண்டும். அல்லது எலக்ட்ரிக்கல், சிவில், மெக்கானிக்கல் பிரிவில் முதல் வகுப்பில் டிப்ளமோ முடித்து 5 ஆண்டுகள் பணி அனுபவம் பெற்றிருக்க வேண்டும்.

பணி: Technician Grade-I
காலியிடங்கள்: 15
சம்பளம்: மாதம் ரூ.19,900
வயதுவரம்பு: 28க்குள் இருக்க வேண்டும்.
தகுதி: பத்தாம் வகுப்பு தேர்ச்சியுடன் எலக்ட்ரீசியன் பிரிவில் ஐடிஐ முடித்திருக்க வேண்டும்.

பணி: Assistant Grade-II
காலியிடங்கள்: 16
சம்பளம்: மாதம் ரூ.25,500
வயதுவரம்பு: 30க்குள் இருக்க வேண்டும்.
தகுதி: ஏதாவதொரு பிரிவில் முதல் வகுப்பில் தேர்ச்சி பெற்று பட்டம் பெற்றிருக்க வேண்டும். தட்டச்சு பிரிவில் ஆங்கிலத்தில் நிமிடத்திற்கு 30 வார்த்தைகள் தட்டச்சு செய்யும் திறன் பெற்றிருக்க வேண்டும். 3 ஆண்டுகள் அக்கவுண்டென்ட் பணியில் அனுபவம் பெற்றிருக்க வேண்டும்

பணி: MTS Grade-I(Watchman)
காலியிடங்கள்: 7
சம்பளம்: மாதம் ரூ.18,000
வயதுவரம்பு: 45க்குள் இருக்க வேண்டும்.
தகுதி: பத்தாம் வகுப்பு தேர்ச்சி பெற்று முப்படையில் ஏதாவதொன்றில் பணிபுரிந்து ஓய்வு பெற்றவராக இருக்க வேண்டும்.

தேர்வு செய்யப்படும் முறை: பணி அனுபவம், நேர்முகத் தேர்வு அடிப்படையில் தகுதியானவர்கள் தேர்வு செய்யப்படுவர். இது குறித்து விவரம் மின்னஞ்சல் மூலம் அனுப்பி வைக்கப்படும்.

விண்ணப்பக் கட்டணம்: Engineering Officer,Engineering Assistant பணிக்கு ரூ.1000. மற்ற பணிகளுக்கு ரூ.500 கட்டணமாக ஆன்லைனில் செலுத்த வேண்டும். எஸ்சி, எஸ்டி, மாற்றுத்திறனாளிகள் மற்றும் முன்னாள் ராணுவத்தினருக்கு கட்டணம் செலுத்துவதில் விலக்கு அளிக்கப்பட்டுள்ளது. 
 
விண்ணப்பிக்கும் முறை: www.cpri.res.in என்ற இணையதளத்தின் மூலம் ஆன்லைனில் விண்ணப்பிக்க வேண்டும். 

ஆன்லைனில் விண்ணப்பிப்பதற்கான கடைசி தேதி: 21.11.2022