மமதா பதவி விலக மறுப்பு... மேற்கு வங்க சட்டப்பேரவையைக் கலைத்தார் ஆளுநர் ஆர்.என். ரவி!

முதல்வர் பதவியிருந்து மமதா பானர்ஜி விலக மறுத்திருந்த நிலையில், மேற்கு வங்க சட்டப்பேரவை கலைக்கப்படுவதாக ஆளுநர் ஆர்.என். ரவி அறிவித்துள்ளார்.

மேற்கு வங்க சட்டப் பேரவைத் தேர்தலில் மொத்தமுள்ள 294 தொகுதிகளில் 207 தொகுதிகளில் வெற்றி பெற்று திரிணமூல் காங்கிரஸ் ஆட்சியை பாஜக முடிவுக்குக் கொண்டுவந்தது.

இதனையடுத்து, வாக்கு எண்ணிக்கையில் மிகப் பெரும் அளவில் முறைகேடுகள் நடைபெற்றதாகக் குற்றஞ்சாட்டி முதல்வர் பதவியில் இருந்து விலக மாட்டேன் என மமதா பானர்ஜி திடீரென தெரிவித்தார்.

நாளை மறுநாள் (மே 9-ஆம் தேதி) பாஜக தலைமையிலான அரசு பதவியேற்கவுள்ளதாக அறிவித்த நிலையில், மம்தா பானர்ஜியின் முடிவு அரசியல் வட்டாரத்தில் பெரும் பரபரப்பை ஏற்படுத்தியது.

இந்த நிலையில், மேற்கு வங்க அமைச்சரவை கலைக்கப்படுவதாக ஆளுநர் ஆர்.என். ரவி அறிவித்துள்ளார்.

இந்திய அரசியலமைப்பின் சட்டப்பிரிவு 174 (2)(பி)-ன் கீழ் தனக்கு வழங்கப்பட்ட அதிகாரங்களைப் பயன்படுத்தி மேற்கு வங்க அமைச்சரவையைக் கலைப்பதாக ஆளுநர் ஆர்.என். ரவி அறிவித்துள்ளார்.

மேற்கு வங்க அரசின் பதவிக்காலம் நேற்றுடன் முடிவடைந்த நிலையில், புதிய முதல்வர் பதவியேற்கும் வரை, இடைக்கால அரசுக்கான தலைமையை ஆளுநர் ஏற்க வேண்டும் என்று மத்திய அரசின் முன்னாள் செயலர் ஜவஹர் சிர்கார் கூறினார்.