பாகுபலி 2 வெளியாகி மூன்று வருடங்கள்: ரூ. 500 கோடி வசூலை முறியடிக்கத் திணறும் ஹிந்திப் படங்கள்!

படம் வெளியாகி 3 வருடங்களான பிறகும் வேறெந்த ஹிந்திப் படத்தாலும் பாகுபலி 2-ன் உயரத்தைத் தொட முடியாத நிலையே இன்றும் நீடிக்கிறது.

Updated On :28 ஏப்ரல் 2020, 11:11 am

பாகுபலி 2 படத்தை இந்திய ரசிகர்களால் மறக்க முடியாது. இந்தியத் திரையுலகில் மகத்தான வெற்றி கண்ட, அதிக வசூல் கண்ட படம் இது. 2017, ஏப்ரல் 28 அன்று வெளியானது.

எஸ்.எஸ். ராஜமெளலி இயக்கத்தில் பிரபாஸ், ராணா டகுபதி, அனுஷ்கா, தமன்னா, சத்யராஜ், ரம்யா கிருஷ்ணன் போன்றோர் நடிப்பில் தெலுங்கு, தமிழ், மலையாளம், ஹிந்தி ஆகிய மொழிகளில் உருவான படம் - 'பாகுபலி தி கன்க்ளூஷன்’ (பாகுபலி 2). இந்தியாவில் மட்டும் 9,000 திரையரங்குகளில் வெளியானது.

பாகுபலி 2 படம் உலகளவில் ரூ. 1700 கோடிக்கும் அதிகமாக வசூலித்துள்ளது.

2017-ம் ஆண்டு வெளியான பாகுபலி 2 படத்தின் ஹிந்திப் பதிப்பு இந்தியாவில் மட்டும் ரூ. 500 கோடி வசூலித்து சாதனை படைத்தது. இந்த வசூல் தான் இதன் அடையாளமாக இன்றும் உள்ளது.

படம் வெளியாகி 3 வருடங்களான பிறகும் வேறெந்த ஹிந்திப் படத்தாலும் பாகுபலி 2-ன் உயரத்தைத் தொட முடியாத நிலையே இன்றும் நீடிக்கிறது. ரூ. 500 கோடியைக் கூட அல்ல, ரூ. 400 கோடியைக் கூட அதற்குப் பிறகு வந்த ஹிந்திப் படங்களால் நெருங்க முடியவில்லை. பாகுபலி 2-க்குப் பிறகு வெளியான ஹிந்திப் படங்களில் சஞ்சு, ரூ. 341 கோடி வசூலித்தது, பாகுபலி 2-க்கு அடுத்ததாக இந்தியாவில் அதிகம் வசூலித்த ஹிந்திப் படம் - டங்கல். 2016-ல் வெளியான டங்கல், இந்தியாவில் ரூ. 387 கோடி வசூலித்தது.

இந்தியாவில் அதிகம் வசூலித்த ஹிந்திப் படங்கள்

பாகுபலி 2 (ஹிந்தி): ரூ. 501 கோடி
டங்கல்: ரூ. 387 கோடி
சஞ்சு: ரூ. 341 கோடி
பிகே: ரூ. 340 கோடி
டைகர் ஹிந்தா ஹை: ரூ. 339 கோடி

பாலிவுட்டில் சாதனை நிகழ்த்திய படங்கள்

முதல் ரூ. 100 கோடி படம்: கஜினி (2008)
ரூ. 200 கோடி: 3 இடியட்ஸ் (2009)
ரூ. 300 கோடி: பிகே (2014)
ரூ. 400 கோடி: பாகுபலி 2 (ஹிந்தி)
ரூ. 500 கோடி: பாகுபலி 2 (ஹிந்தி)

பாகுபலி 2 (ஹிந்தி) இந்தியாவில் நிகழ்த்திய சாதனைகள்

ரூ. 100 கோடி: 3-வது நாள்
ரூ. 200 கோடி: 6-வது நாள்
ரூ. 300 கோடி: 10-வது நாள்
ரூ. 400 கோடி: 15-வது நாள்
ரூ. 450 கோடி: 20-வது நாள்
ரூ. 475 கோடி: 24-வது நாள்
ரூ. 500 கோடி: 34-வது நாள்

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

தொடர்புடையது