கோட் டிரைலரின் மோஷன் போஸ்டரை வெளியிட்ட படக்குழு!

லியோ படத்தைத் தொடர்ந்து விஜய்யின் 68-வது படமான `கிரேட்டஸ்ட் ஆஃப் ஆல் டைம்ஸ்’ (G.O.A.T. - Greatest Of All Times) படத்தை வெங்கட் பிரபு இயக்கியுள்ளார்.

நடிகர் விஜய் - இயக்குநர் வெங்கட் பிரபு கூட்டணியில் உருவாகி வரும் கோட் திரைப்படத்தின் மேல் பெரிய எதிர்பார்ப்பு உள்ளது. நடிகர் விஜய் இரண்டு கதாபாத்திரங்களில் நடித்துள்ளார்.

முன்னதாக, கோட் படத்தின் மூன்று பாடல்கள் வெளியாகி கலவையான விமர்சனங்களைப் பெற்றன.

செப்.5 ஆம் தேதி கோட் படம் வெளியாக உள்ளதால், இப்படத்தின் டிரைலர் எப்போது வெளியாகும் என்று ரசிகர்கள் மிகுந்த எதிர்பார்ப்புடன் இருந்தனர்.

கோட் படத்தின் டிரைலர் இன்று (ஆக. 17) மாலை 5 மணிக்கு வெளியாகவிருக்கிறது. தற்போது இதன் மோஷன் போஸ்டரை படக்குழு வெளியிட்டுள்ளது.

இதில் யுவன் ஷங்கர் ராஜாவின் பின்னணி இசை நன்றாக உள்ளதாக ரசிகர்கள் கருத்து தெரிவித்து வருகிறார்கள்.

கோட் டிரைலர் 2 நிமிடம் 45 நொடிகள் இருக்குமென தகவல்கள் தெரிவிக்கின்றன.