ரஜினி படத்துக்கு இசையமைக்கும் இமான்: அறிவிப்பு எப்போது வெளிவரும்?

ரஜினியின் அடுத்தப் படத்தை சிவா இயக்குகிறார். சன் பிக்சர்ஸ் தயாரிக்கும் இப்படம் குறித்த அறிவிப்பு சமீபத்தில் வெளியானது. இது ரஜினியின் 168-வது படமாகும். 

வீரம், வேதாளம், விவேகம் ஆகிய படங்களைத் தொடர்ந்து நான்காவது முறையாக அஜித் நடித்த விஸ்வாசம் படத்தை இயக்கினார் சிவா. அடுத்ததாக, சூர்யா கதாநாயகனாக நடிக்கும் படத்தை அவர் இயக்கவிருந்தார். ஆனால், அதற்குப் பதிலாகத் தற்போது ரஜினி நடிக்கும் படத்தை இயக்கவுள்ளார் சிவா. 

இந்நிலையில் இந்தப் படத்துக்கு இமான் இசையமைக்கவுள்ளார் என்று தகவல்கள் வெளியாகியுள்ளன. விஸ்வாசம் படத்தின் பாடல்களுக்கு அதிக வரவேற்பு இருந்ததால், ரஜினியை இயக்கும் படத்துக்கும் இமானே இசையமைக்க வேண்டும் என்று இயக்குநர் சிவா விருப்பம் தெரிவித்துள்ளார். இதையடுத்து இமான் இசையமைப்பது குறித்த தகவல் விரைவில் வெளியிடப்படும் என எதிர்பார்க்கப்படுகிறது.