விஜய்க்கு 175 அடி கட் அவுட்: சர்கார் பட வெளியீட்டைக் கொண்டாடும் கேரள ரசிகர்கள்!

ஏ.ஆர்.முருகதாஸ் இயக்கத்தில் விஜய் நடித்துள்ள படம் சர்கார். சன் பிக்சர்ஸ் நிறுவனம் தயாரித்துள்ள இந்தப் படத்துக்கு ஏ.ஆர்.ரஹ்மான் இசையமைத்துள்ளார். கீர்த்தி சுரேஷ், ராதாரவி, பழ.கருப்பையா, வரலட்சுமி சரத்குமார், யோகிபாபு ஆகியோர் முக்கிய வேடங்களில் நடித்துள்ளார்கள். 

நவம்பர் 6 அன்று சர்கார் படம் வெளியாகவுள்ளது. இந்நிலையில் தமிழ்நாட்டுக்கு நிகராக கேரளாவிலும் சர்கார் படத்துக்கு எதிர்பார்ப்பு அதிகமாக இருக்கிறது. கேரளா - கொல்லம் பகுதியைச் சேர்ந்த கொல்லம் நண்பன்ஸ் என்கிற விஜய் ரசிகர் மன்றத்தின் சார்பில் சர்கார் பட வெளியீட்டுக்காக விஜய்க்கு 175 அடி கட் அவுட் வைக்கப்பட்டுள்ளது. இந்தியாவில் வேறு எந்த நடிகருக்கும் இவ்வளவு உயரத்தில் கட் அவுட் வைத்ததில்லை என்று கூறப்படுகிறது. மேலும் கேரளாவில் பல திரையரங்குகளில் தொடர்ச்சியாக 24 மணி நேரமும் சர்கார் படத்தைத் திரையிடவும் முடிவெடுக்கப்பட்டுள்ளது. அதாவது தினமும் 8 காட்சிகள். இதையடுத்து கேரளாவில் வசூலில் சர்கார் படம் சாதனை படைக்கும் என எதிர்பார்க்கப்படுகிறது.