சூப்பர் ஸ்டார் ரஜினிகாந்தை முந்திவிட்டாரா மனவாடு மகேஷ் பாபு? 

கடந்த வாரம் வெளியான ரஜினி நடித்த 'காலா' டீஸர் வெளியான நாளிலிருந்தே யுடியூபில் முதலிடத்தில் இருந்து வந்தது. ரஜினி ரசிகர்கள் இந்த டீஸரைப் பற்றிய கருத்துக்களை சமூக வலைத்தளங்களில் அதிகம் பகிர்ந்து வைரலாக்கினர்.

ஆனால், அண்மையில் தெலுங்கு நடிகர் மகேஷ் பாபு நடித்துள்ள 'பரத் அனி நேனு' படத்தின் டீசர் வெளியானது. வெளிவந்த ஒரே நாளில் 80 லட்சம் பார்வைகளைக் கடந்தும், 2 லட்சத்து 60 ஆயிரம் லைக்குகளைப் பெற்றுவிட்டது இந்த டீஸர். மேலும் இது 'காலா' முதல் நாள் டிரென்டிங்கில் இரண்டாம் இடத்திற்குத் தள்ளி முதலிடத்துக்கு வந்துவிட்டது. இது முதல் நாள் கணிப்பு தான், வரும் நாட்களில் இந்த டீஸரின் பார்வையாளர்கள் அதிகரிப்பார்களா என்று பொருத்திருந்துதான் பார்க்கவேண்டும்.

ரஜினிகாந்த் பட டீஸரை பின்னுக்குத் தள்ளி மகேஷ் பாபு டீஸர் முதலிடம் பிடித்திருப்பதை டோலிவுட் திரையுலகம் மகிழ்ந்துள்ளது. ஆனால் ரஜினிகாந்தின் காலா டீஸர்,  2.0 டீஸர் லீக், அவரின் அண்மை அரசியல் பேச்சு என ட்ரெண்டிங்கில் ரஜினிகாந்த் தான் எப்போதும் முன்னணியில் இருக்கிறார். இது வரை காலா டீஸருக்கு 1 கோடியே 80 லட்சத்திற்கும் மேற்பட்ட பார்வையாளர்களும், 4 லட்சத்து 63 ஆயிரத்திற்கும் மேற்பட்ட லைக்குகள் கிடைத்துள்ளன என்பது குறிப்பிடத்தக்கது.