வடசென்னை படத்தில் நடிக்கவில்லை: விஜய் சேதுபதி தகவல்

வெற்றிமாறன் இயக்கத்தில் தனுஷ் நடிக்கும் வடசென்னை படம் மூன்று பாகங்களாக வெளிவரவுள்ளது. தற்போது இதன் முதல் பாகம் படமாக்கப்பட்டு வருகிறது. சமுத்திரகனி, அமலா பால், ஆண்ட்ரியா போன்றோரும் இதில் நடிக்கிறார்கள். 

இந்தப் படத்தில் துணைக் கதாபாத்திரத்தில் விஜய் சேதுபதி நடிப்பதாக இருந்தது. நடுவில் விஜய் சேதுபதி விலகிவிட்டார் என்றும் செய்திகள் வெளியாகின. ஆனாலும் இத்தகவல் உறுதிப்படுத்தப்படாமல் இருந்தது.

இந்நிலையில் கவண் படத்துக்காகச் செய்தியாளர்களைச் சந்தித்த விஜய் சேதுபதி, தான் வடசென்னை படத்தில் இருந்து விலகிவிட்டதாக அறிவித்தார். மற்றபடி இதனால் வருத்தம் எதுவும் இல்லை. தனுஷ், வெற்றிமாறன் ஆகிய இருவரிடமும் நல்ல நட்புறவு உள்ளதாகவும் தெரிவித்தார்.