ரெஜினா கஸாண்ட்ராவின் வைரலாகும் புகைப்படம் இதுதான்!

'கண்ட நாள் முதல்' படத்தின் மூலம் அறிமுகமானவர் ரெஜினா கஸாண்ட்ரா. கேடி பில்லா கில்லாடி ரங்கா, ராஜதந்திரம் போன்ற படங்களில் நடித்து வந்த அவரை கவனிக்கத்தக்க நடிகையாக மாற்றிய படம் மாநகரம். அதன் பின்னர் சரவணன் இருக்க பயமேன், ஜெமினி கணேசனும் சுருளி ராஜனும் உள்பட சில படங்களில் நடித்துள்ளார். 

தெலுங்கு நடிகர் நானியின் தயாரிப்பில் உருவாகி வரும் Awe என்ற படத்தில் தற்போது நடித்து வருகிறார் ரெஜினா. தமிழில், சிலுக்குவார்ப்பட்டி சிங்கம், நெஞ்சம் மறப்பதில்லை, பார்ட்டி மற்றும் மிஸ்டர் சந்திரமௌலி ஆகிய படங்களிலும் நடித்து வருகிறார்.  

இந்த நிலையில், சமீபத்தில் மிஸ்டர் சந்திரமௌலி படக்குழுவுடன் கேக் வெட்டி தனது 27-வது பிறந்தநாளை கொண்டாடினார் ரெஜினா. அப்போது ரெஜினா வெளியிட்ட அவரது புகைப்படம் ஒன்று இணையதளங்களில் வைரலானது.  Awe படத்தின் ஃபர்ஸ்ட் லுக் போஸ்டர் தான் அது. அந்தப் படத்தில் உடல் முழுக்க பச்சை குத்தி வித்தியாசமான தோற்றத்தில் இருக்கிறார் ரெஜினா. இந்தப் புகைப்படத்தைப் பார்த்த அவரது ரசிகர்கள் அதிர்ந்தனர். பாராடினையும் விமரிசனத்தையும் ஒருங்கே பெற்றுள்ளது இந்தப் புகைப்படம்.

#Awe I can’t wait for u guys to see the rest of this!