‘மாட்டுக்கு நான் அடிமை’ திரைப்படத்தில் அறிமுகமாகும் புதுமுக நடிகர் சாம்பார் ராசன்!

தமிழ் சினிமாவில் புரட்சித்தலைவர், நடிகர் திலகம், நாட்டியப்பேரொளி, சூப்பர் ஸ்டார், சுப்ரீம் ஸ்டார், அல்டிமேட் ஸ்டார், இளைய தளபதி, பவர் ஸ்டார், உள்ளிட்ட அடைமொழிகளைப் போலவே தல, சாம்பார், பசு நேசன், காமெடி பெல், முருங்கைக்காய் நடிகர்,  போன்ற பட்டப்பெயர்களுக்கும் எப்போதும் பஞ்சமே இருந்ததில்லை. நடிகர்களது பெயர்களைக் குறிப்பிடாமல் இந்தப் பட்டப் பெயர்களை மட்டுமே குறிப்பிட்டாலும் கூடப் போதும் ரசிகர்கள் அவர்களை கச்சிதமாக அடையாளம் கண்டு கொள்வார்கள். அந்தளவுக்கு அடைமொழிகளாலும், பட்டப் பெயர்களாலும் நிரம்பி வழிகிறது கோலிவுட்.

இதில் வேடிக்கை என்னவென்றால் சம்மந்தப்பட்ட நடிகர், நடிகைகளுக்கு... தங்களுக்கு இப்படிப்பட்ட பட்டப்பெயர்கள் இருப்பதெல்லாம் அவரவர் மேனேஜர்கள் சொன்னாலொழிய பெரும்பாலும் தெரிந்திருக்க நியாயமில்லை. இந்த வரிசையில் இப்போது புதிதாக அனிமல் ஸ்டார் ‘சாம்பார் ராசன்’ என்றொரு அடைமொழியுடன் புத்தம் புது நடிகர் புது அவதாரம் எடுத்து வந்திருக்கிறார். அவருக்கு வேறு பெயர் தேவையில்லையென, படத்தில் தனது அதிகாரப்பூர்வ அறிமுகப் பெயராகவே இந்தப் பெயரைத்தான் அவர் பயன்படுத்தி இருக்கிறார்.

சாம்பார் ராசன் நடிப்பில் வெளிவர இருக்கும் புத்தம் புது திரைப்படத்தின் பெயர் ‘மாட்டுக்கு நான் அடிமை’ இந்தத் திரைப்படத்தின் தலைப்பு வேடிக்கையாக இருந்தாலும், படமென்னவோ மாடுகளின் நலன் சார்ந்து எடுக்கப்பட்டுக் கொண்டிருக்கிறதாம்.

படம் குறித்த கேள்விகளுக்குப் பதிலளிக்கையில்... சாம்பார் ராசன் தெரிவித்தது;

இத்திரைப்படத்தில் ‘கோலி சோடா’ புகழ் சீதா நாயகியாக நடிக்கவிருக்கிறார். அதோடு, மாட்டுக்கு நான் அடிமை படத்தைப் பொறுத்தவரை இன்னொரு மிக முக்கியமான விஷயம்;

‘படத்தின் டைட்டில் சாங் சினிமா உலகில் ஒரு மாபெரும் புதுமையை உண்டாக்கும் விதத்தில் உருவாக்கப் பட்டிருக்கிறது. பார்க்கும் போது பிரமிப்பில் நீங்கள் மூர்ச்சையாகிப் போவீர்கள். அப்படியொரு இன்ப அதிர்ச்சி உங்களுக்குக் காத்திருக்கிறது. அடுத்த வாரம் படத்தின் ஆடியோ லாஞ்சில் வைத்து அந்த இன்ப அதிர்ச்சியை நாங்கள் உடைக்க நாங்கள் திட்டமிட்டிருக்கிறோம். அதனால், வேறு வழியே இல்லை, படம் குறித்து மிக்க ஆவலுடன் காத்திருக்கும் ரசிகர்கள் இன்னும் ஒரு வாரம் பொறுமை காக்க வேண்டியது தான்.’ அதற்குப் பின் இன்ப அதிர்ச்சியில் நீங்கள் மூழ்கித் திளைக்கும் போது அதைப் பார்க்க கண்டிப்பாக அந்த ஆடியோ லாஞ்சை நானும் மிஸ் பண்ணப்போவதில்லை.” என்று  மாட்டுக்கு நான் அடிமை திரைப்படம் குறித்து படு கூலாகப் பேசிக் கொண்டிருக்கிறார் படத்தின் நாயகனான சாம்பார் ராசன்.

இந்தப் பெயரைச் சொன்னதும் உங்களுக்கு வேறு நடிகரது நினைவு வந்தால் அவருக்கும் இந்தப் படத்துக்கும் யாதொரு சம்பந்தமும் இல்லை என்று சொல்லிக் கொள்கிறோம்.

ஏனெனில் இந்தப் படத்து நாயகனின் அதிகாரப் பூர்வ சினிமா பெயரே சாம்பார் ராசன் தான்!

Article courtesy: The New Indian Express

தீபாவளி ரேஸில் போட்டியிடும் மூன்று அதிரடி படங்கள்!

தெலுங்கில் திரைப்படமாகிறது வேலுப்பிள்ளை பிரபாகரன் தலைமையிலான ஈழப்போர்!

ராணா டகுபதியின் ‘நானே ராஜா, நானே மந்திரி’ திரைப்பட விமர்சனம்!

நிவேதா தாமஸ்... அய்யோடா இந்த ‘மை டியர் பூதம்’ குட்டிப் பொண்ணு இப்போ சூப்பர் ஹீரோயினாக்கும் தெரியுமா?

திகில் படங்களென்றால் கண்டிப்பாக மென்மையான ஆபாசம் இருந்தே தீர வேண்டுமா?