ஏ.ஆர்.ரகுமான் திரைக்கதையில் உருவாகும் '99 சாங்ஸ்' போஸ்டர் வெளியீடு

ஆஸ்கர் விருது பெற்ற தமிழ் இசையமைப்பாளர் ஏ.ஆர்.ரகுமான் திரைக்கதையில் உருவாகும்  '99 சாங்ஸ்' திரைப்படத்தின் போஸ்டர் வெளியிடப்பட்டுள்ளது.

ஏ.ஆர். ரகுமான் தனது முகநூல் பக்கத்தில் இப்படத்துக்கான போஸ்டரை வெளியிட்டுள்ளார். உங்களது ஆதரவு மற்றும் ஆசியுடன் எனது படத்தின் போஸ்டரை வெளியிட்டுள்ளேன் என ரகுமான் அதில் குறிப்பிடுள்ளார்.

வானிலிருந்து தொங்கும் பியானோ இசைக் கருவியை பிடித்துக் கொண்டு ஓர் இளைஞரும் தொங்குவதும், அவரது கையைப் பிடித்துக் கொண்டு இளைஞி ஒருவர் தொங்குவது போலவும் அந்த போஸ்டர் வடிவமைக்கப்பட்டுள்ளது.

விஸ்வேஷ் கிருஷ்ணமூர்த்தியால் இயக்கப்படும் '99 சாங்ஸ்'  திரைப்படத்துக்கு ஏ.ஆர்.ரகுமான் திரைக்கதை எழுதியுள்ளார். மேலும், அவரே அப்படத்தை தயாரிக்கவும் செய்கிறார். ஓர் இசை கலைஞன் தனது வாழ்நாளில் எப்படி போராடி வெல்லுகிறான் என்பதே படத்தின் கதையாகும்.

ரகுமான் வெளியிட்டுள்ள போஸ்டருக்கு பலரும் வரவேற்பு தெரிவித்துள்ளனர். அவருடன் ரங்கீலா, லகான் உள்ளிட்ட திரைப்படங்களில் இணைந்து பணியாற்றிய பாலிவுட் நடிகர் ஆமிர் கானும் வாழ்த்து தெரிவித்துள்ளார்.