குரு ரவிதாஸ் ஜெயந்தி விழா

புதுச்சேரி பாஜக சாா்பில், கவிஞரும், துறவியுமான குரு ரவிதாஸ் 650-வது ஜெயந்தி விழா நடத்தப்பட்டது.

பாஜக புதுச்சேரி தலைவா் வி.பி. ராமலிங்கம் தலைமை வகித்தாா். குரு ரவிதாஸ் பிறந்த வாரணாசியில் இருந்து கொண்டு வரப்பட்ட புனித மண் அடங்கிய கலசத்துக்கு, ராஜ்பவன் தொகுதி செங்கழுநீா் அம்மன் ஆலயத்தில் சிறப்பு பூஜைகள் நடத்தப்பட்டன.

குரு ரவிதாஸ் சமூக சீா்திருத்த சிந்தனைகள் மற்றும் சமத்துவக் கொள்கைகளை மக்களிடம் கொண்டு செல்லும் வகையில், இந்தப் புனித மண் கலசங்கள் அனைத்து தொகுதிகளுக்கும் எடுத்து செல்லப்பட்டு, அங்குள்ள கோயில்களில் சிறப்பு பூஜைகள் நடத்தி பின்னா் ஊா்வலமாக எடுத்து செல்லப்பட உள்ளன. இதில் கட்சியின் நிா்வாகிகள் பலரும் கலந்து கொண்டனா்.

--