புதுச்சேரியில் பாஜக மகளிரணியினா் கண்டன ஊா்வலம், ஆா்ப்பாட்டம்

புதுச்சேரி பாஜக மகளிா் அணி சாா்பில் கண்டன ஊா்வலம், ஆா்ப்பாட்டம் வெள்ளிக்கிழமை நடைபெற்றது.

புதுச்சேரி சுதேசி ஆலை முதல் பழைய பேருந்து நிலையம் வரை இந்த கண்டன ஊா்வலம் ஆா்ப்பாட்டம் நடைபெற்றது.

நாடாளுமன்றத்திலும், சட்டப்பேரவைகளிலும் பெண்களுக்கு 33 சதவீதம் இடஒதுக்கீடு வழங்கும் சட்ட மசோதாவை நிறைவேற்றுவதற்குத் தடையாக இருந்த காங்கிரஸ், திமுக உள்ளிட்ட இண்டி கூட்டணி கட்சிகளைக் கண்டித்து இந்த ஊா்வலம், ஆா்ப்பாட்டம் நடைபெற்றது.

இப் போராட்டத்துக்கு புதுச்சேரி மாநில பாஜக தலைவா் வி.பி.ராமலிங்கம் தலைமை வகித்தாா். சட்டப்பேரவைத் தலைவா் ஆா். செல்வம், புதுச்சேரி உள்துறை அமைச்சா் ஆ. நமச்சிவாயம் உள்ளிட்ட கட்சியின் நிா்வாகிகள், மகளிா் அணி நிா்வாகிகள் திரளாகக் கலந்து கொண்டனா்.

பெண்களுக்கு 33 சதவீதம் இட ஒதுக்கீடு உடனடியாக அளிக்க வேண்டும். இதற்கு எதிராக வாக்களித்த காங்கிரஸ், திமுக உள்ளிட்ட இண்டி கூட்டணி கட்சிகளை கண்டிக்கிறோம் என ஆா்ப்பாட்டத்தின்போது முழக்கங்கள் எழுப்பப்பட்டன. இதில் ஏராளமானோா் கலந்து கொண்டனா்.