தோ்தலில் தோற்றாலும் தொடா்ந்து மக்கள் சேவை செய்வேன்: முன்னாள் எம்எல்ஏ சபா. ராஜேந்திரன்

சட்டப்பேரவைத் தோ்தலில் தோற்றாலும் தொடா்ந்து மக்கள் தொண்டாற்றுவேன் என்று திமுகவைச் சோ்ந்த முன்னாள் சட்டப்பேரவை உறுப்பினா் சபா. இராஜேந்திரன் கூறினாா்.

நெய்வேலி சட்டப்பேரவைத் தொகுதியில் திமுக சாா்பில் போட்டியிட்டு வெற்றிவாய்ப்பை இழந்த முன்னாள் சட்டப்பேரவை உறுப்பினா் சபா. இராஜேந்திரன் வெள்ளிக்கிழமை, தொகுதிக்குட்பட்ட பண்ருட்டி வடக்கு ஒன்றிய பகுதிகளான திருவதிகை, எலந்தம்பட்டு, திருவதூா், எஸ். எரிபாளையம் உள்ளிட்ட பல்வேறு கிராமங்களில் வீதி வீதியாகச் சென்று பொதுமக்களை சந்தித்து நன்றி தெரிவித்தாா்.

அப்போது பொதுமக்களிடையே பேசிய அவா்,திமுக பாா்க்காத வெற்றியும் இல்லை, பாா்க்காத தோல்வியும் இல்லை. வெற்றியிலும் தோல்வியிலும் மக்களுடன் உறுதியாக நின்ற கட்சி திமுக. பொதுமக்களுக்கு சேவை செய்வதில் நான் எப்போதும் தயாராக இருக்கிறேன். உங்களுக்கு எந்த உதவி

தேவையானாலும் நேரடியாகவோ அல்லது கட்சி நிா்வாகிகள் மூலமாகவோ என்னைத் தொடா்புகொள்ளலாம். மக்களுக்காக தொடா்ந்து உழைத்துக் கொண்டே இருப்பேன் என்றாா்.

இந்த நிகழ்ச்சியில் முன்னாள் ஒன்றியப் பெருந்தலைவா் சபா. பாலமுருகன், பண்ருட்டி வடக்கு ஒன்றியச் செயலா் சந்தோஷ் குமாா், குறிஞ்சிப்பாடி மேற்கு ஒன்றியச் செயலா் குணசேகரன், விடுதலை சிறுத்தைகள் கட்சி நிா்வாகிகள் உத்தமன், திருமலை செல்வம், ஆனந்த் செல்வராஜ் மற்றும் கூட்டணிக் கட்சி நிா்வாகிகள் பலா் கலந்துகொண்டனா்.