வழிப்பறியில் ஈடுபட்ட இளைஞா் கைது

பேராவூரணியில் வழிப்பறியில் ஈடுபட்ட இளைஞரை போலீஸாா் வியாழக்கிழமை கைது செய்தனா்.

பேராவூரணி பொன்காடு பகுதியைச் சோ்ந்தவா் இளஞ்சிங்கம்(63). இவா், இருசக்கர வாகனத்தில் பூனைக்குத்தி காட்டாற்று பாலத்தில் சென்று கொண்டிருந்தாா். அப்போது எதிரே இருசக்கர வாகனத்தில் வந்த இருவா் இளஞ்சிங்கத்தை வழிமறித்து கைப்பேசியை பிடுங்கினா். அப்போது, இளஞ்சிங்கம் சப்தம் போட்டதில் பொதுமக்கள் ஓடிவந்தனா். உடனே ஒருவா் தப்பி ஓடிவிட்டாா். மற்றொருவரை பொதுமக்கள் பிடித்து பேராவூரணி காவல் நிலையத்தில்  ஒப்படைத்தனா்.

அவரிடம் போலீஸாா் நடத்திய விசாரணையில் பிடிபட்டவா்,    புதுக்கோட்டை மாவட்டம், கீரமங்கலம் அரன்மனைக்கொல்லை பகுதியை சோ்ந்த ராஜசேகா் மகன் திருமூா்த்தி(20)என்பதும், தப்பியோடியவா் அதேபகுதியைச் சோ்ந்த மாதவன் என்பதும் தெரியவந்தது. இதையடுத்து போலீஸாா் திருமூா்த்தியை கைது செய்து, பேராவூரணி நீதிமன்றத்தில் ஆஜா்படுத்தி சிறையில் அடைத்தனா்.