அரியலூா் மாவட்டம், வீ.கைகாட்டியை அடுத்துள்ள சுண்டக்குடி அருகேயுள்ள ஆதனூா் பெரிய ஏரியில் உள்ள முதலைப் பிடிக்க நடவடிக்கை எடுக்குமாறு அப்பகுதி மக்கள் கோரிக்கை விடுத்துள்ளனா்.

ஆதனூா் கிராமத்தில் உள்ள பெரிய ஏரியின் கரையில் சனிக்கிழமை சுமாா் 5 அடி நீளம் கொண்ட முதலை ஒன்று படுத்திருப்பதை கிராம இளைஞா்கள், பொதுமக்கள் கண்டுள்ளனா். இதையடுத்து மக்களின் கூச்சல் கேட்டு, அந்த முதலை ஏரி தண்ணீரினுள் சென்றுவிட்டது.

இந்நிலையில், ஏரியின் அருகிலேயே ஊராட்சி ஒன்றிய நடுநிலைப் பள்ளி இயங்கி வருகிறது. இங்கு 90-க்கும் மேற்பட்ட மாணவ, மாணவிகள் படித்து வருகின்றனா்.

மேலும், பொதுமக்கள் ஏரிக்குச் சென்றுவருவது வழக்கமாக உள்ளது. எனவே, மக்களுக்கு ஆபத்தை ஏற்படுத்தும் வாய்ப்புள்ள இந்த முதலையை பிடிக்க உரிய நடவடிக்கை மேற்கொள்ள வேண்டும் என கிராம மக்கள் கோரிக்கை விடுத்துள்ளனா்.