பைக்-லாரி மோதல்: தனியாா் நிறுவன ஊழியா் சாவு

கங்கைகொண்டான் அருகே பைக்-லாரி மோதிய விபத்தில் தனியாா் நிறுவன ஊழியா் உயிரிழந்தாா்.

திருநெல்வேலி, பழையபேட்டையை அடுத்த அழகப்பபுரத்தைச் சோ்ந்தவா் சோமசுந்தரம் மகன் ராமன் (40). இவருக்கு திருமணமாகி மனைவி, 2 குழந்தைகள் உள்ளனா். இவா் கங்கைகொண்டான், சிப்காட்டில் உள்ள தனியாா் நிறுவனத்தில் பணி புரிந்து வந்தாா். இந்நிலையில், இவா் செவ்வாய்க்கிழமை இரவு பணி முடிந்து வீட்டிற்கு செல்வதற்காக புறப்பட்டபோது, சிப்காட் வளாகத்திற்குள் இவா் சென்ற பைக்கும்-தண்ணீா் ஏற்றிச் சென்ற லாரியும் மோதியதாம்.

இதில், பலத்த காயமடைந்த அவரை அங்கிருந்தவா்கள் மீட்டு சிகிச்சைக்காக தனியாா் மருத்துவமனைக்கு கொண்டு செல்லும் வழியில் ராமன் உயிரிழந்தாா். இதுகுறித்து, கங்கைகொண்டான் போலீஸாா் வழக்குப் பதிவு செய்து, விசாரணை மேற்கொண்டுள்ளனா்.