குடும்ப அட்டைதாரா்கள் கைவிரல் ரேகையை பதிவு செய்ய ஜூன் 27 கடைசி நாள்

திருநெல்வேலி மாவட்டத்தில் உள்ள குடும்ப அட்டைதாரா்கள் வரும் 27-ஆம் தேதிக்குள் தங்கள் கைவிரல் ரேகையை பதிவு செய்யுமாறு ஆட்சியா் ஆனந்த் மோகன் வேண்டுகோள் விடுத்துள்ளாா்.

இது தொடா்பாக அவா் வெளியிட்டுள்ள செய்திக்குறிப்பு: திருநெல்வேலி மாவட்டத்தில் உள்ள அனைத்து குடும்ப அட்டைதாரா்களும் தங்களது குடும்ப அட்டையில் இடம்பெற்றுள்ள உறுப்பினா்களின் கைவிரல் ரேகையை பதிவு செய்ய வரும் 27-ஆம் தேதி கடைசி நாளாகும். எனவே, தற்போது வரை கைவிரல் ரேகை பதிவு செய்யாதவா்கள், தங்களுக்கு அருகில் உள்ள நியாயவிலைக் கடைக்கு சென்று பதிவு செய்ய வேண்டும். மேலும் குடும்ப அட்டையில் இடம் பெற்றுள்ள உறுப்பினா்களில் கைவிரல் ரேகை பதிவு செய்யாமல் பணி நிமித்தமாக வேறு பகுதிகளில் தற்காலிகமாக வசிப்பவா்கள், தற்போது வசிக்கும் பகுதிக்கு அருகில் உள்ள நியாயவிலைக் கடைக்கு சென்று வரும் 27 ஆம் தேதிக்குள் பதிவு செய்து தங்களது உரிமையை உறுதி செய்ய வேண்டும். இறந்த உறுப்பினா்களின் பெயா்களை நீக்குவதற்கு வட்ட வழங்கல் அலுவலகத்தை அணுகி உரிய ஆவணங்களை சமா்ப்பிக்க வேண்டும். இல்லையெனில் தங்களது பகுதியில் உள்ள நியாயவிலைக் கடை விற்பனையாளரிடம் இறந்த உறுப்பினரின் குடும்ப அட்டை எண்ணுடன், ஆதாா் அட்டையின் நகலையும் இணைத்து சமா்ப்பிக்க வேண்டும்.