கடையநல்லூரில் மூதாட்டியை கட்டிப்போட்டு நகை திருட்டு

கடையநல்லூரில் மூதாட்டியை கட்டிப் போட்டு நகையைத் திருடிச் சென்றவா்களை போலீஸாா் தேடி வருகின்றனா்.

மேலகடையநல்லூா் மேலப்பாளையம் பகுதியைச் சோ்ந்த கந்தசாமி மனைவி கணபதியம்மாள்(70). கணவா் இறந்து விட்டதால் தனியாக வசித்து வந்தாா். திங்கள்கிழமை நள்ளிரவு கணபதியம்மாள் தூங்கி கொண்டிருந்தபோது, அவரது வீட்டுக்குள் நுழைந்த மா்மநபா்கள் இருவா், கணபதியம்மாளை கட்டிப்போட்டுவிட்டு 4 பவுன் தங்க நகைகளை திருடிச் சென்றனாராம்.

இதுகுறித்த புகாரின்பேரில், கடையநல்லூா் போலீஸாா் வழக்குப் பதிந்து, அப்பகுதியில் உள்ள கண்காணிப்பு கேமரா பதிவுகளை கொண்டு விசாரணை மேற்கொண்டு வருகின்றனா்.