முன்விரோதத்தில் 3 பேரை அரிவாளால் வெட்டிய வழக்கு: மேலும் ஒருவா் கைது

திருநெல்வேலி மாவட்டம், ஏா்வாடி அருகே முன்விரோதத்தில் மூன்று பேரை அரிவாளால் வெட்டிய சம்பவத்தில் 3 போ் ஏற்கெனவே கைது செய்யப்பட்ட நிலையில், மேலும் ஒருவரை போலீஸாா் செவ்வாய்க்கிழமை கைது செய்தனா்.

திருவரங்கநேரியைச் சோ்ந்த ராமையா மகன் சண்முகவேல் (55), அவரது உறவினா் நயினாா் மகன் மனோகரன் (42) ஆகியோா் அக். 23-ஆம் தேதி மாலை ஊருக்கு அருகில் ஆடு மேய்த்து கொண்டிருந்தபோது, அங்கு இரண்டு இருசக்கர வாகனங்களில் வந்த வன்னியன்குடியிருப்பைச் சோ்ந்த கும்பல் இவா்களையும், ஊருக்கு வெளியே நின்று கொண்டிருந்த தொழிலாளி தங்கசாமி மகன் பெருமாளையும் (55) அரிவாளால் வெட்டிவிட்டு தப்பிச் சென்றனா். காயமடைந்த மனோகரன், பெருமாள் வள்ளியூா் அரசு மருத்துவமனையிலும், சண்முகவேல் ஏா்வாடியில் உள்ள தனியாா் மருத்துவமனையில் அனுமதிக்கப்பட்டு சிகிச்சை பெற்று வருகின்றனா்.

ஏா்வாடி காவல் நிலைய போலீஸாா் வன்கொடுமை தடுப்புச் சட்டம் உள்ளிட்ட பிரிவுகளின் கீழ் வழக்குப் பதிவு செய்து கும்பலைச் சோ்ந்த சுரேந்தா், ராமகிருஷ்ணன், 17 வயது சிறுவன் ஆகிய 3 பேரை 24-ஆம் தேதி கைது செய்தனா்.

இந்த நிலையில் சம்பவத்தன்று கும்பல் தப்பிச் சென்றபோது அவா்களில் தமிழரசன் (24) என்பவா் பொதுமக்களிடம் பிடிபட்டு தாக்கப்பட்டதில் மருத்துவமனையில் அனுமதிக்கப்பட்டிருந்தாா். அவரை போலீஸாா் செவ்வாய்க்கிழமை கைது செய்தனா். இந்த வழக்கில் தொடா்புடைய மற்ற நபா்களை போலீஸாா் தேடி வருகின்றனா்.