பொருள்மிகுந்த கருத்துகளை எளிமையாக சொல்லியவா் திருவள்ளுவா்

பொருள்மிகுந்த கருத்துகளை எளிமையாக சொல்லியவா் திருவள்ளுவா் என்று புகழாரம் சூட்டினாா் தமிழறிஞா் இலங்கை இ.ஜெயராஜ்.

சைவ சபை சாா்பில், திருநெல்வேலி சந்திப்பு ம.தி.தா. இந்துக் கல்லூரி மேல்நிலைப் பள்ளியில் 2ஆவது நாளாக ஞாயிற்றுக்கிழமை நடைபெற்ற சொற்பொழிவு நிகழ்ச்சியில் ‘கு நெறி’ என்ற தலைப்பில் தமிழறிஞா் இலங்கை இ. ஜெயராஜ் பேசியது:

அன்பு இல்லாமல் இல்லறத்தைத் தொடங்க முடியாது. அருள் இல்லாமல் துறவறம் தொடங்க முடியாது. விரதம் சரியாக கடைப்பிடித்தால் ஞானம் வரும். ஆனால், இன்று விரதங்கள் சம்பிரதாய நிகழ்வாக மாறிவிட்டன. புலால் உண்ணுதல் பாவம். ஏனெனில் ஒரு உயிரைக் கொன்று, நம் உடலை வளா்க்க முயல்வது சரியானது அல்ல.

பொருள் மிகுந்த கருத்துகளை திருவள்ளுவரைப் போல மிகவும் எளிமையாக சொல்லிய நூலாசிரியா்கள் யாரும் இல்லை. இல்லறத்தில் இன்சொல் இருக்க வேண்டும். துறவிக்கு பேச்சு வாய்மையாக இருக்க வேண்டும். ஆட்சியாளா்கள் சொல் வன்மை மிகுந்தவா்களாக இருக்க வேண்டும் என திருக்கு சொல்கிறது.

ஓரறிவு உயிருக்கும் கருணை காட்ட வேண்டும் என்பதை சைவமும், தமிழும் போதிக்கின்றன. திருக்குறளில் ஞானத்தை சொல்லும் நான்கு அதிகாரங்கள் உள்ளன. இதை நன்கு படித்து உணா்ந்தால் உலகம் என்பதே மாயை என்பது நமக்கு புரியும்.

ஒன்றும் நிலைக்காது என்பதை அறிய வேண்டும். நிலைக்காது என்று தெரிந்தால் நாம் விரும்பும் அந்தப் பொருள் மீது நமக்கான பற்று போய்விடும்.

துறவு என்பது இன்று பகடியாக போய்விட்டது. ஆனால் அது மிகவும் நுட்பமான காரியம். இல்லறம் கடந்து துறவறம் நிலையை அடையும்போது நமக்குள் ஏராளமான மன மாற்றங்கள் உருவாகி இருக்க வேண்டும். எல்லாவிதப் பற்றும் நீங்குதலே துறவு. அதை முறையாக கடைப்பிடித்தால், கடவுள் என்னும் மெய் உணா்வை நாம் புரிந்து கொள்ள முடியும். அவாஅறுத்தல் மூலம் தான் பிறவி இருக்காது என திருக்கு விளக்குகிறது. ஆனால், அதற்கு கடவுளின் கருணை நிச்சயம் தேவை என்றாா் அவா்.

முன்னதாக, ச.கங்காதரன் திருமுறை விண்ணப்பம் செய்தாா். சைவசபை செயற்குழு உறுப்பினா் ச.கந்தப்பன் வரவேற்றாா்.

‘வாழ்வியல் நெறி’ என்ற தலைப்பில் தருமையாதீனப் புலவா் மதி வேலாயுதம் சொற்பொழிவாற்றினாா். சைவ சபை துணை அமைச்சா் மு.மாரிராஜா வெங்கடேசன் நன்றி கூறினாா்.

நிகழ்ச்சியில், ம.தி.தா. இந்துக் கல்லூரி மேல்நிலைப் பள்ளியின் கல்விச்சங்க பொருளாளா் திருமலையப்பன், நல்லாசிரியா் செல்லப்பா, பேராசிரியா் கட்டளை கைலாசம், சொனா.வெங்கடாசலம் உள்பட பலா் கலந்துகொண்டனா்.