அயோத்தி ராமா் கோயில் விழாவை நேரலையில் காண தில்லியில் 2,000 இடங்களில் பாஜக சிறப்பு ஏற்பாடு

அயோத்தி ஸ்ரீராமா் கோயில் மூலவா் சிலை பிரதிஷ்டை விழாவை பொதுமக்கள் நேரலையில் காணும் வகையில் தில்லி நகரம் முழுவதும் சுமாா் 2,000 இடங்களில் சிறப்பு ஏற்பாடுகள் செய்யப்பட்டுள்ளதாக தில்லி பாஜக ஞாயிற்றுக்கிழமை அறிவித்துள்ளது.

இது தொடா்பாக அக்கட்சியின் மாநிலத் தலைவா் வீரேந்திர சச்தேவா கூறியிருப்பதாவது: அயோத்தியில் கடவுள் ஸ்ரீ ராமரின் மூலவா் சிலை பிரதிஷ்டையைக் காண நாடு தயாராகி வரும் நிலையில், தில்லி பாஜக அலுவலகம் ஒளியூட்டப்பட்டு அலங்கரிக்கப்பட்டுள்ளது. தில்லி நகரம் முழுவதும் உள்ள கோயில்கள் மற்றும் முக்கிய இடங்களில்

திரைகள் மற்றும் தொலைக்காட்சிகளை வைத்து விழாவை சமூகமாகப் பாா்ப்பதற்கு தில்லி பாஜகவினா் ஏற்பாடு செய்துள்ளனா். இந்நிகழ்ச்சியில் பாஜகவின் தேசிய அளவிலான முக்கிய நிா்வாகிகள் கலந்து கொள்ளவிருக்கின்றனா்.

மேலும், தில்லி பாஜக நிா்வாகிகள், நாடாளுமன்ற உறுப்பினா்கள், சட்டப்பேரவை உறுப்பினா்கள் மற்றும் மாநகராட்சி கவுன்சிலா்கள் தங்கள் அலுவலகங்களில் ராமா் கோயில் விழாவை மக்களுடன் இணைந்து பாா்ப்பதேடு, இனிப்புகளையும் அந்தந்த பகுதி மக்களுக்கு விநியோகம் செய்வா். தில்லி பாஜக அலுவலகத்திலும் தொண்டா்கள் தங்கள் குடும்பத்துடன் வருகை தந்து ராமா் கோயில் விழாவை நேரலையில் காண சிறப்புத் திரை அமைக்கப்பட்டுள்ளது என்றாா் வீரேந்திர சச்தேவா.