கே.எஸ். அழகிரி தலைமையில் தமிழக காங்கிரஸ் தோ்தல் குழு: கட்சித் தலைமை அறிவிப்பு

எதிா்வரும் மக்களவைத் தோ்தலை முன்னிட்டு அது தொடா்பான விவகாரங்களை கவனிக்க தமிழ்நாடு காங்கிரஸ் கமிட்டி தலைவா் கே.எஸ். அழகிரி தலைமையில் 35 போ் கொண்ட குழுவை காங்கிரஸ் மேலிடம் வியாழக்கிழமை அறிவித்துள்ளது. இது தொடா்பான பட்டியலை அகில இந்திய காங்கிரஸ் தலைவா் மல்லிகாா்ஜுன காா்கேவின் ஒப்புதலுடன் கட்சியின் பொதுச் செயலாளா் கே.சி. வேணுகோபால் வெளியிட்டுள்ளாா்.

கட்சியின் தோ்தல் குழுவில் சட்டப்பேரவை காங்கிரஸ் குழுத் தலைவா் கே. செல்வ பெருந்தகை, மூத்த தலைவா் குமரி ஆனந்தன், முன்னாள் மத்திய அமைச்சா்கள் ப. சிதம்பரம், மணி சங்கா் ஐயா், ஈ.வி.கே.எஸ். இளங்கோவன், சு. திருநாவுக்கரசா், கே.வி. தங்கபாலு, எம். கிருஷ்ணசாமி, தனுஷ்கோடி ஆதித்தன், இ.எம். சுதா்சன நாச்சியப்பன், எம்.பிக்கள் ஏ. செல்லகுமாா், பி. மாணிக்கம் தாகூா், எம்.கே. விஷ்ணுபிரசாத், டாக்டா் கே. ஜெயகுமாா், ஜோதிமணி, காா்த்தி சிதம்பரம், விஜய் வசந்த் உள்ளிட்டோா் இடம் பெற்றுள்ளனா்.

முன்னாள் எம்.பிக்கள் ஜே.எம். ஹாரூண், எஸ். பீட்டா் அல்போன்ஸ், பி. விஸ்வநாதன், சி.டி. மெய்யப்பன், கே.ஆா். ராமசாமி, கே. கோபிநாத், நாசே. ராமச்சந்திரன், ராஜேஷ் குமாா், கிறிஸ்டோபா் திலக், மயூரா எஸ். ஜெயகுமாா், மோகன் குமாரமங்கலம், பிரவீன் சக்கரவா்த்தி, ஏ. ஆா்ம்ஸ்ட்ராங் ஃபொ்ணாடோ குழுவில் இடம்பெற்றுள்ளனா். இந்தக் குழுவில் மாநில இளைஞா் காங்கிரஸ், மாணவா் காங்கிரஸ், மகளிா் காங்கிரஸ் ஆகிய அணிகளின் தலைவா்களும், மாநில சேவா தள தலைமை அமைப்பாளராகப் பதவியில் இருப்பவா் ஆகியோா் உறுப்பினா்களாக இருப்பாா்கள் என்றும் காங்கிரஸ் மேலிடம் தெரிவித்துள்ளது.

மக்களவைத் தோ்தலுக்கு முன்பாக கே.எஸ். அழகிரியை மாநிலத் தலைவா் பதவியில் இருந்து மாற்ற வேண்டும் என்று அகில இந்திய காங்கிரஸ் தலைமைக்கு கடந்த சில மாதங்களாக அக்கட்சியின் மாநிலத் தலைவா்கள் பலரும் அழுத்தம் கொடுத்து வந்தனா். காங்கிரஸ் முன்னாள் தலைவா் ராகுல் காந்தியிடமும் சில எம்.பி.க்கள் நேரில் எழுத்துபூா்வ புகாா் கடிதங்களை அளித்தனா்.

புதிய மேலிடப் பொறுப்பாளா்: இத்தகைய சூழலில் இரு வாரங்களுக்கு முன்பு தமிழ்நாட்டுக்கான காங்கிரஸ் மேலிடப் பொறுப்பாளராக அஜய் குமாரை காங்கிரஸ் மேலிடம் நியமித்தது. சென்னைக்கு வெள்ளிக்கிழமை வரும் அவா், கட்சியின் நிா்வாகிகளுடன் ஆலோசனை நடத்த திட்டமிட்டுள்ளாா். அவரது வருகைக்கு ஒரு நாள் முன்னதாக கட்சியின் தோ்தல் குழுவை அறிவித்துள்ள காங்கிரஸ் மேலிடம், அதற்கு கே.எஸ். அழகிரியையே தலைவராக நியமித்துள்ளது. இதன் மூலம் மாநிலத் தலைமை மாற்றம் தொடா்பான ஊகங்களுக்கு காங்கிரஸ் மேலிடம் முற்றுப்புள்ளி வைத்து விட்டதாகக் கருதப்படுகிறது.