புதிய நாடாளுமன்றக் கட்டட முற்றத்தில் தேசியக் கொடி: குடியரசு துணைத் தலைவா் ஜகதீப் தன்கா் ஏற்றி வைத்தாா்

புதிய நாடாளுமன்றக் கட்டடத்தின் பிரதான வாயிலுக்கு மேலே குடியரசு துணைத் தலைவா் ஜகதீப் தன்கா் தேசியக் கொடியை முறைப்படி ஞாயிற்றுக்கிழமை ஏற்றிவைத்தாா்.

நாடாளுமன்றத்தின் சிறப்புக் கூட்டத்தொடா் திங்கள்கிழமை தொடங்க உள்ளது. நாடாளுமன்றத்தின் புதிய கட்டடம் கடந்த மே 28 ஆம் தேதி பிரதமா் மோடியால் திறந்துவைக்கப்பட்டது என்றாலும், அதில் முறைப்படி கூட்டத்தொடா் தொடங்கப்படவில்லை.

திங்கள்கிழமை முதல் 5 நாள்கள் இந்த சிறப்புக் கூட்டத்தொடா் நடைபெற உள்ள நிலையில், கூட்டத் தொடா் தொடங்கி ஓரிரு நாள்களுக்குப் பிறகு புதிய நாடாளுமன்றக் கட்டடத்தில் இத்தொடரின் அமா்வு நடைபெறும் என எதிா்பாா்க்கப்படுகிறது.

மேலும், புதிய நாடாளுமன்றக் கட்டடத்தில் தேசிய சின்னம், பாரம்பா்ய சடங்குகள், சா்வமத பிராா்த்தனைகள், செங்கோல் வைப்பு போன்ற பிரமாண்டங்கள் நடைபெற்றாலும் அதிமுக்கியம் வாய்ந்த தேசிய கொடி ஏற்றப்படும் நிகழ்வு ஞாயிற்றுக்கிழமை நடைபெற்றது.

குடியரசுத் துணைத் தலைவரும், மாநிலங்களவைத் தலைவருமான ஜகதீப் தன்கா் மக்களவைத் தலைவா் ஓம் பிா்லா முன்னிலையில் தேசியக் கொடியை ஏற்றி வைத்தாா்.

புதிய நாடாளுமன்றக் கட்டடத்தின் முக்கிய நுழைவு வாயிலில் ‘கஜ த்வாா்‘ (முற்றம்) உச்சியில் இந்த கொடி ஏற்றப்பட்டது.

‘நாட்டின் அமிா்தக் காலத்தில் ஒரு மகத்தான பாரம்பரியத்திலிருந்து ஒரு புதிய அத்தியாயத்திற்கான தொடக்கத்தை அறிமுகப்படுத்தும் வகையில் புதிய நாடாளுமன்றக் கட்டடத்தின் கஜ த்வாரில் தேசியக் கொடி ஏற்றி வைக்கப்பட்டுள்ளது’ என குடியரசுத் துணைத் தலைவா் மாளிகை அறிக்கையில் தெரிவிக்கப்பட்டுள்ளது.

இந்த தேசிய கொடியேற்றும் நிகழ்ச்சியில் குடியரசுத் துணைத் தலைவா் தன்கா் குறிப்பிடுகையில், ‘இது ஒரு ’வரலாற்றுத் தருணம்’ , ‘ஒரு மைல்கல் வளா்ச்சி’. இந்தியா சகாப்த மாற்றத்தைக் காண்கிறது. பாரதத்தின் வலிமை, சக்தி, பங்களிப்பை உலகம் முழமையாக அங்கீகரித்துள்ளது.

நாம் கனவிலும் நினைத்துப் பாா்க்காத வளா்ச்சியையும் சாதனைகளையும் காணும் காலங்களில் நாம் வாழ்ந்து வருகின்றோம். இன்று நமது அடிப்படை யதாா்த்தம் உலகளவில் மிகவும் உறுதியான முறையில் பிரதிபலிக்கிறது’ என ஜகதீப் தன்கா் தெரிவித்தாா்.

முன்னதாக, குடியரசுத் துணைத் தலைவா் தன்கருக்கும் மக்களவைத் தலைவா் ஓம் பிா்லாவிற்கும் நாடாளுமன்ற பாதுகாப்பில் உள்ள மத்திய ஆயுத படைகாவலா்களால் அணிவகுப்பு மரியாதை அளிக்கப்பட்டது.

இந்த நிகழ்ச்சியில் மத்திய நாடாளுமன்ற விவகாரத் துறை அமைச்சா் பிரகலாத் ஜோஷி, மத்திய அமைச்சா் பியூஷ் கோயல், இணையமைச்சா் அா்ஜுன் ராம் மேக்வால், நாடாளுமன்ற உறுப்பினா்கள் உள்ளிட்டவா்கள் கலந்து கொண்டனா்.

காங்கிரஸ் தலைவரும், மாநிலங்களவை எதிா்க்கட்சித் தலைவருமான மல்லிகாா்ஜுன காா்கே, ‘மிகவும் தாமதமாக அழைப்பு வந்ததால் மற்ற நிகழ்ச்சியில் பங்கேற்க வேண்டிய சூழ்நிலையில் கொடியேற்றும் நிகழ்ச்சியில் தன்னால் பங்கேற்க முடியாத நிலைமை ஏற்பட்டுள்ளது’ எனக் கூறி மாநிலங்களவை செயலருக்கு கடிதம் எழுதியிருந்தாா்.