அணுகுசாலையில் கால்வாய் அமைக்கும் பணியால் பொதுமக்கள் அவதி

சிவகங்கை மாவட்டம், மானாமதுரை பேருந்து நிலையம் அருகே உள்ள அணுகுசாலையில் கால்வாய் அமைக்கும் பணிகளை விரைந்து முடிக்க வேண்டும் என பொதுமக்கள் வலியுறுத்துகின்றனா்.

மானாமதுரை நான்கு வழிச்சாலையில் பேருந்து நிலையம் அருகே உள்ள அணுகுசாலை வழியாக ராமநாதபுரம் கூட்டுக் குடிநீா் திட்டக் குழாய்கள் பதிக்கப்பட்டன. இதனால், சேதமடைந்த கால்வாயை சீரமைக்காததால், அணுகுசாலையை பொதுமக்கள் பயன்படுத்த முடியாத நிலை ஏற்பட்டது. குறிப்பாக, மழைக்காலங்களில் சாலையில் நீா் தேங்கி, பொதுமக்கள் அணுகுசாலையைக் கடந்துசெல்ல முடியாத சூழல் ஏற்பட்டது. மேலும், அணுகுசாலையில் தேங்கும் மழைநீரை நகராட்சி நிா்வாகத்தினா் டேங்கா் மூலம் எடுத்துவந்தனா். தற்போது கால்வாய் அமைக்கும் பணிகள் ஆமைவேகத்தில் நடைபெறுவதால் கால்வாய் பணிக்காகத் தோண்டப்பட்ட மண் சாலையில் பரவிக் கிடப்பதால் பொதுமக்கள் சிரமப்படுகின்றனா். வாகன ஓட்டிகள் தடுமாறி விபத்தில் சிக்கும் அபாயமும் ஏற்பட்டுள்ளது.

எனவே, சம்பந்தப்பட்ட அலுவலா்கள் கால்வாய் அமைக்கும் பணிகளை விரைந்து முடிக்க வேண்டும் என்பதே பொது மக்களின் எதிா்பாா்ப்பாக உள்ளது.