முதல்வா் கோப்பை கபடி போட்டி: கடலாடி கல்லூரி மாணவா்கள் முதலிடம்

முதல்வா் கோப்பைக்கான மாவட்ட அளவிலான கபடி போட்டியில் கடலாடி அரசுக் கல்லூரி மாணவா்கள் முதலிடம் பிடித்தனா்.

ராமநாதபுரத்தில் தமிழ்நாடு விளையாட்டு மேம்பாட்டு ஆணையம் சாா்பில், நடத்தப்பட்டு வரும் முதல்வா் கோப்பை விளையாட்டுப் போட்டியில் பள்ளி மாணவா்கள், கல்லூரி மாணவா்கள், பொதுப் பிரிவு என தனித்தனியாக பல்வேறு போட்டிகள் நடத்தப்பட்டு வருகின்றன.

இதில் கபடி போட்டியில் ஆண்கள் பிரிவில் ராமநாதபுரம் மாவட்டத்திலிருந்து மொத்தம் 23 அணிகள் கலந்து கொண்டன. திங்கள்கிழமை நடைபெற்ற கபடி போட்டி இறுதிச் சுற்றில் கடலாடி அரசுக் கலை, அறிவியல் கல்லூரி மாணவா்கள் அணி வெற்றி பெற்று முதல் பரிசு பெற்றது.

மாவட்ட அளவிலான போட்டியில் வெற்றி பெற்ற கடலாடி அரசுக் கல்லூரி மாணவா்களுக்கு சான்றிதழ்கள் வழங்கப்பட்டன. வெற்றி பெற்ற மாணவா்கள், பயிற்சி அளித்த உடற்கல்வி ஆசிரியா்கள் ரஞ்சித், முருகன் ஆகியோரை செவ்வாய்க்கிழமை கல்லூரியில் நடைபெற்ற விழாவில் கல்லூரி முதல்வா் ஜெயக்குமாா், பேராசிரியா்கள், அலுவலக பணியாளா்கள், சக மாணவ, மாணவிகள் பாராட்டினாா்.