கூடலழகா் பெருமாள் கோயில் கருட சேவை

மதுரை கூடலழகா் கோயிலில் 5 கருட சேவை: பக்தர்கள் திரண்டனர்

மதுரை கூடலழகா் பெருமாள் கோயில் சந்நிதி தெருவில் செவ்வாய்க்கிழமை இரவு எழுந்தருளிய 5 கருட வாகனப் பெருமாள்கள் சுவாமிகள்.

Updated On :8 அக்டோபர் 2025, 11:17 am

மதுரை கூடலழகா் பெருமாள் கோயில் சாா்பில், புரட்டாசி பெளா்ணமி 5 கருட சேவை செவ்வாய்க்கிழமை நடைபெற்றது.

ஆழ்வாா்களால் மங்களாசாசனம் செய்விக்கப்பட்ட வைணவ திருத்தலங்களில் ஒன்றாகவும், பெரியாழ்வாா் பல்லாண்டு பாடிய தலமாகவும் விளங்குகிறது கூடலழகா் பெருமாள் கோயில். இங்கு புரட்டாசி மாத பௌா்ணமி நாளான செவ்வாய்க்கிழமை 5 கருட சேவை நடைபெற்றது. காலை நிகழ்வாக மதுரவல்லித் தாயாருக்கு பாலாபிஷேகமும், அலங்காரத் திருமஞ்சனமும் நடைபெற்றது. மாலை 7 மணிக்கு கூடலழகா் பெருமாள் கோயிலிலிருந்து 2 கருட வாகனங்களில் வியூக சுந்தரராஜப் பெருமாள், கூடலழகா் பெருமாள் எழுந்தருளினா்.

இதேபோல, மதனகோபால சுவாமி கோயில், எழுத்தாணிக்காரத் தெரு வீரராகவப் பெருமாள் கோயில், வடக்கு மாசி வீதி வீரராகவப் பெருமாள் கோயிலிலிருந்து கருட வாகனத்தில் பெருமாள் எழுந்தருளினா்.

5 கருட வாகனப் பெருமாள்களும் கூடலழகா் பெருமாள் கோயில் சந்நிதி தெருவில் சங்கமமாகினா். அங்கு, கருட வாகனப் பெருமாள்களுக்கு தீப, தூபங்களுடன் சிறப்பு பூஜைகள் நடத்தப்பட்டன. பிறகு, 5 கருட வாகனப் பெருமாளும் மாசி வீதிகளை வலம் வந்தனா். இதில் திரளான பக்தா்கள் பங்கேற்றனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

தொடர்புடையது