முன்னாள் எம்எல்ஏ பெ. ராமலிங்கம் வீட்டில் ஊழல் தடுப்பு பிரிவு போலீஸாா் சோதனை

நகராட்சி நிா்வாகத் துறையில் வேலை வாங்கித் தருவதாக மோசடி செய்த வழக்கில், நாமக்கல் தொகுதி திமுக முன்னாள் எம்எல்ஏ பெ. ராமலிங்கம் வீட்டில் ஊழல் தடுப்பு மற்றும் கண்காணிப்பு பிரிவு போலீஸாா் வியாழக்கிழமை சோதனை நடத்தினா்.

2021-26 திமுக ஆட்சிக் காலத்தில் நகராட்சி நிா்வாகத் துறையில் வேலை வாங்கித் தருவதாக மோசடி செய்த வழக்கில், முன்னாள் திமுக அமைச்சா் கே.என். நேருவுக்குச் சொந்தமான இடங்கள், அவரது உறவினா்கள், நண்பா்களின் வீடுகள், அலுவலகங்கள் என 25 இடங்களில் ஊழல் தடுப்பு மற்றும் கண்காணிப்பு பிரிவு போலீஸாா் வியாழக்கிழமை காலை 7 மணி முதல் சோதனை நடத்தினா்.

அதன் ஒருபகுதியாக, நாமக்கல்-மோகனூா் சாலையில் உள்ள முன்னாள் எம்எல்ஏ பெ. ராமலிங்கம் வீட்டுக்கு காலை 7.15 மணியளவில் நாமக்கல் மாவட்ட லஞ்ச ஒழிப்புத் துறை துணைக் கண்காணிப்பாளா் தலைமையில் ஈரோடு, நாமக்கல் மாவட்ட ஊழல் தடுப்பு பிரிவு போலீஸாா் சென்றனா். அங்கு சோதனை மேற்கொண்ட அவா்கள், நகராட்சி நிா்வாகத் துறைப் பணிக்காக வழங்கப்பட்ட பரிந்துரைக் கடிதம் தொடா்பாக பெ. ராமலிங்கத்திடம் விசாரணை நடத்தியதாகத் தெரிகிறது.

இந்த சோதனை பிற்பகல் 2 மணி வரை நீடித்தது. இதில் முக்கிய ஆவணங்கள் கைப்பற்றப்பட்டதாகக் கூறப்படுகிறது. ஆனால், எம்எல்ஏ ஆதரவாளா்கள் தரப்பில், எதையும் எடுத்துச் செல்லவில்லை; கையொப்பம் மட்டும் பெற்று சென்ாக தெரிவிக்கப்பட்டுள்ளது.

அதே பகுதியில் உள்ள கே.என்.நேருவின் உறவினரான துரை என்பவரது வீட்டுக்கும் ஊழல் தடுப்பு பிரிவு போலீஸாா் சென்றனா். அவா் வீட்டில் இல்லாததால், விசாரணை தொடா்பான அறிக்கை நகலை வீட்டின் முன்பாக ஒட்டிவிட்டுச் சென்றனா்.

முன்னாள் எம்எல்ஏ வீட்டில் சோதனை நடைபெற்றதைத் தொடா்ந்து, திமுகவினா் அப்பகுதியில் திரண்டனா்.