மீண்டும் மனிதப் பிறவி எடுத்தால் உங்கள் குடும்பத்தில் ஒருவராக பிறக்க வேண்டும்: எடப்பாடி பிரசாரத்தில் இபிஎஸ் பேச்சுஅதிமுக ஆட்சி அமைந்ததும் 3 மாதங்களில் போதைப்பொருள் ஒழிக்கப்படும் : இபிஎஸ் வாக்குறுதி விவசாயிகளை வஞ்சிக்கும் திமுகவுக்கு மக்கள் தகுந்த பாடத்தைப் புகட்ட வேண்டும் : எடப்பாடி பழனிசாமி மகளிர் இடஒதுக்கீடு மசோதாவை தோல்வி அடையச் செய்ததற்கு எதிர்ப்பு தெரிவித்து பாஜகவினர் போராட்டம்பாஜகவுடன் கூட்டணி: நிதீஷ்குமாரின் நிலைதான் எடப்பாடி பழனிசாமிக்கு - அரவிந்த் கேஜரிவால்பஹல்காம் தாக்குதல்! காயங்கள் ஆறவில்லை - குடும்பங்கள் கண்ணீர்!வரலாற்றுச் சிறப்புமிக்க அதிமுக இறந்துவிட்டது! ஸ்ரீவைகுண்டத்தில் ராகுல்! ஜப்பானில் பயங்கர நிலநடுக்கம்! சுனாமி எச்சரிக்கை விடுப்பு!
/

தொகுதி அறிமுகம் - வேப்பனஅள்ளி!

தமிழகம், கா்நாடகம், ஆந்திர மாநிலங்களின் எல்லையில் அமைந்துள்ள ஒரே தொகுதி, கிருஷ்ணகிரி மாவட்டத்தில் உள்ள வேப்பனஅள்ளி தொகுதி.

News image

வேப்பனஅள்ளி

Updated On :2 ஏப்ரல் 2026, 12:59 am

தமிழகம், கா்நாடகம், ஆந்திர மாநிலங்களின் எல்லையில் அமைந்துள்ள ஒரே தொகுதி, கிருஷ்ணகிரி மாவட்டத்தில் உள்ள வேப்பனஅள்ளி தொகுதி.

2011இல் கிருஷ்ணகிரியில் இருந்து பிரிந்த தொகுதியாகும். வேப்பனஅள்ளி தொகுதி பரப்பளவில் பெரியது. கிருஷ்ணகிரி, தேன்கனிக்கோட்டை, ஓசூா் வட்டங்களின் சிறு பகுதிகளைக் கொண்டது இந்தத் தொகுதி.

சமூக அமைப்பு

வேப்பனஅள்ளி தொகுதியில் கெளடா, ரெட்டி சமூகத்தினரும், ஆதிதிராவிடா்கள், கவுண்டா்கள், நாயூடு, செட்டியாா், பழங்குடியினா் என பல்வேறு சமூகத்தினா் பரவலாக வசித்து வருகின்றனா். இஸ்லாமியா்கள், கிறிஸ்தவா்களும் ஒரு குறிப்பிட்ட பகுதிகளில் வசித்து வருகின்றனா். அதேபோல, தமிழ், தெலுங்கு, கன்னடம், உருது, ஆங்கிலம் ஆகிய மொழிகளை பேசும் மக்கள் பரவலாக உள்ளனா்.

தொழில்

மலையும், மலைசாா்ந்த பகுதியான இந்தத் தொகுதியில் பெரும்பாலும் விவசாயமே பிரதான தொழில். ஆங்காங்கே, சிறிதும், பெரிதுமான தொழிற்சாலைகள் உள்ளன. இதன்மூலம், அந்தந்தப் பகுதி மக்கள் வேலைவாய்ப்பு பெறுகின்றனா்.

நீண்டகால கோரிக்கைகள்

சிங்கிரிப்பள்ளி அணை அமைக்க வேண்டும். வேப்பனஅள்ளியில் அரசு பல்தொழில்நுட்பக் கல்லூரி அமைக்க வேண்டும். கெலவரப்பள்ளி அணையில் இருந்து தீா்த்தம் வழியாக மாா்கண்டயன் நதிக்கு தண்ணீா் கொண்டுவர வேண்டும். ராயக்கோட்டை, சூளகிரியில் அரசு சாா்பில் குளிா்பதன கிடங்கு வசதி ஏற்படுத்த வேண்டும். வனப் பகுதியில் இருந்து காட்டு யானைகளை வெளியேறாமல் தடுக்க நடவடிக்கை எடுக்க வேண்டும்.

வாக்காளா்கள்

ஆண்கள் - 1,23,394

பெண்கள் - 1,20,454

இதரா் - 37

மொத்த வாக்காளா்கள் - 2,43,885

வாக்குச்சாவடிகள் - 343

வாக்குச்சாவடி மையங்கள் - 235

இதுவரை வென்றவா்கள்

2011 டி. செங்குட்டுவன் - திமுக - 71,471

2016 பி. முருகன் - திமுக - திமுக - 88,952

2021 கே.பி. முனுசாமி - அதிமுக - 94,104