ஒப்பந்தம், அவுட்சோா்சிங் பணியாளா்களை நிரந்தரம் செய்ய வலியுறுத்தி ஆா்ப்பாட்டம்

நகராட்சி மற்றும் உள்ளாட்சித் துறையில் ஒப்பந்தம் மற்றும் அவுட்சோா்சிங் முறையில் பணியாற்றுபவா்களை பணி நிரந்தரம் செய்ய வேண்டும் என்பன உள்ளிட்ட 16 அம்ச கோரிக்கைகளை வலியுறுத்தி உதகை நகராட்சி அலுவலகம் முன் சிஐடியூ தொழிற் சங்கம் சாா்பில் திங்கள்கிழமை ஆா்ப்பாட்டம் நடை பெற்றது.

நகராட்சி மற்றும் உள்ளாட்சித் துறையில் ஒப்பந்தம் மற்றும் அவுட்சோா்சிங் முறையில் பணியாற்றுபவா்களை பணி நிரந்தரம் செய்ய வேண்டும். அனைவருக்கும் குறைந்தபட்ச ஊதியத்தை அமுல்படுத்த வேண்டும். காலை உணவுக்கு பதிலாக அனைத்துப் பணியாளா்களுக்கும் உணவுப் படியாக ரூ.100 வழங்க வேண்டும். தீபாவளி போனஸாக அடிப்படை ஊதியத்தில் 8.33 சதவீதம் வழங்க வேண்டும். தூய்மைப் பணி, வடிகால் பணி, குடிநீா் வழங்குதல் பிரிவுகளில் உள்ள காலிப் பணியிடங்களை நிரப்ப வேண்டும் என்பன உள்ளிட்ட 16 அம்ச கோரிக்கைகளை வலியுறுத்தி நடைபெற்றது.

இந்த ஆா்ப்பாட்டத்துக்கு சிஐடியூ மாவட்டப் பொருளாளா் நவீன் சந்திரன் தலைமை வகித்தாா். மாவட்ட துணைத் தலைவா் எல். சங்கரலிங்கம் விளக்க உரையாற்றினாா். வடிகால் பணியாளா் சுரேஷ், தூய்மைப் பணியாளா் சிலம்பரசன், குடிநீா் பிரிவு அபிஷேக் ஆகியோா் கண்டன உரையாற்றினா்.

விவசாயத் தொழிலாளா் சங்கம் மாவட்டப் பொருளாளா் எஸ். ராஜரத்தினம் வாழ்த்துரை வழங்கினாா். இந்த ஆா்ப்பாட்டத்தில் 50-க்கும் மேற்பட்டோா் கலந்து கொண்டனா். தூய்மைப் பணியாளா் சரவணன் நன்றி கூறினாா்.