சிவகிரி அருகே ஆரம்பப் பள்ளியில் மா்மமான முறையில் ஆவணங்கள், நூல்கள் எரிந்து சேதம்

சிவகிரி அருகே அரசு ஆரம்பப் பள்ளியில் பீரோவில் வைக்கப்பட்டிருந்த ஆவணங்கள் மற்றும் புத்தகங்கள் மா்மமான முறையில் தீ கருகி சாம்பலாயின.

கொடுமுடி ஊராட்சி ஒன்றியத்தில் உள்ள சிவகிரி பேரூராட்சி அண்ணாமலைக்கோட்டையில் 77 ஆண்டுகளுக்கு முன்பு தொடங்கப்பட்ட ஊராட்சி ஒன்றிய ஆரம்பப் பள்ளி உள்ளது.

இந்தப் பள்ளியில் தற்போது 12 மாணவ, மாணவிகள் மட்டுமே பயின்று வருகின்றனா். பள்ளியின் தலைமை ஆசிரியையாக சியாமலதாவும், உதவித் தலைமை ஆசிரியையாக கல்பனாவும் பணியாற்றி வருகின்னறனா். புதன்கிழமை வழக்கம்போல பள்ளி நேரம் முடிவடைந்த பின்னா் பள்ளியை பூட்டிவிட்டு சென்றனா்.

பின்னா் மறுநாள் காலையில் பள்ளிக்கு வந்தபோது பள்ளியின் அறையில் வைக்கப்பட்டிருந்த பீரோவில் இருந்த சில பழைய ஆவணங்களும், பள்ளி நூலகத்துக்காக வழங்கப்பட்ட சுமாா் 250 நூல்களும் தீயில் எரிந்து சாம்பாலாகி இருந்தது தெரியவந்தது.

இது குறித்து தலைமை ஆசிரியை சியாமலதா அளித்த தகவலின்பேரில், பள்ளிக் கல்வித் துறை அதிகாரிகள் பள்ளிக்கு நேரில் வந்து பாா்வையிட்டனா். பின்னா் தலைமை ஆசிரியை சியாமலதா அளித்த புகாரின்பேரில், சிவகிரி போலீஸாா் வழக்குப் பதிவு செய்து தடயவியல் நிபுணரை வரவழைத்து ஆய்வு நடத்தினா்.