வாழப்பாடியில் மா்மமான முறையில் பெண் உயிரிழப்பு

வாழப்பாடியில் மா்மமான முறையில் உயிரிழந்த பெண்ணின் உடலைக் கைப்பற்றி வாழப்பாடி போலீஸாா் விசாரணை நடத்தி வருகின்றனா்.

வாழப்பாடி பேரூராட்சி, அண்ணா நகா் கல்கொத்தி தெரு பகுதியைச் சோ்ந்தவா் கண்ணியம்மாள் (33). இவா் கடந்த 15 ஆண்டுகளுக்கு முன் அத்தனூா்பட்டி கிராமத்தைச் சோ்ந்த ஆட்டோ ஓட்டுநா் சதீஷ்குமாரை காதலித்து திருமணம் செய்து கொண்டாா். இத்தம்பதிக்கு இரு மகன்கள் உள்ளனா்.

இந்நிலையில், கண்ணியம்மாளுக்கு மது அருந்தும் பழக்கம் ஏற்பட்டதாகவும், அவ்வப்போது வலிப்பு ஏற்பட்டதால் சிகிச்சை பெற்று வந்ததாகவும் கூறப்படுகிறது.

இந்நிலையில், வாழப்பாடியிலுள்ள பெற்றோா் வீட்டுக்கு செவ்வாய்க்கிழமை வந்த கண்ணியம்மாள் மாயமானாா். உறவினா்கள் அக்கம்பக்கத்தில் தேடி பாா்த்தபோது அருகிலுள்ள விளைநிலத்தில் கண்ணியம்மாள் இறந்து கிடந்தது தெரியவந்தது.

தகவலின் பேரில், வாழப்பாடி உதவி காவல் ஆய்வாளா் சிவசங்கா் தலைமையிலான போலீஸாா் சம்பவ இடத்துக்கு சென்று கண்ணியம்மாள் உடலைக் கைப்பற்றி பிரேத பரிசோதனைக்கு அரசு மருத்துவமனைக்கு அனுப்பி வைத்தனா்.

தொடா்ந்து, வாழப்பாடி டிஎஸ்பி சபரிநாதன் நேரில் சென்று கண்ணியம்மாளின் உறவினா்களிடம் விசாரணை நடத்தினாா். இதுகுறித்து வாழப்பாடி போலீஸாா் வழக்குப் பதிவுசெய்து விசாரணை நடத்தி வருகின்றனா்.