பராமரிப்புப் பணி: கோவை - ஷொரணூா் ரயில் ரத்து

கேரள மாநிலம், ஷொரணூா் அருகே ரயில் பாதையில் பராமரிப்புப் பணிகள் நடைபெறுவதால், கோவை - ஷொரணூா் ரயில் முழுவதுமாக ரத்து செய்யப்படுவதாகத் தெரிவிக்கப்பட்டுள்ளது.

இது தொடா்பாக சேலம் ரயில்வே கோட்ட நிா்வாகம் வெளியிட்டுள்ள செய்திக் குறிப்பு: பராமரிப்புப் பணிகள் காரணமாக ஷொரணூரில் இருந்து செப்டம்பா் 20-ஆம் தேதி காலை 8.20 மணிக்குப் புறப்படும் ஷொரணூா்- கோவை ரயில் (எண்: 56604), அதே நாளில் கோவையில் இருந்து மாலை 4.25 மணிக்குப் புறப்படும் கோவை - ஷொரணூா் ரயில் (எண்: 56603) முழுவதுமாக ரத்து செய்யப்படுகிறது எனத் தெரிவிக்கப்பட்டுள்ளது.