பொறியியல் பணி: கோவை ரயில் பகுதியாக ரத்து

பாலக்காடு ரயில்வே கோட்டம் ஷொரணூா் அருகே மன்னனூா் ரயில் நிலைய பகுதியில் நடைபெறவுள்ள பொறியியல் பராமரிப்புப் பணிகள் காரணமாக கோவை ரயில் இயக்கத்தில் மாற்றம் செய்யப்பட உள்ளதாக சேலம் ரயில்வே கோட்டம் சாா்பில் தெரிவிக்கப்பட்டுள்ளது.

இதுகுறித்து, சேலம் ரயில்வே கோட்ட நிா்வாகம் வெளியிட்டுள்ள செய்திக் குறிப்பு: பொறியியல் பராமரிப்புப் பணிகள் காரணமாக அக்டோபா் 3-ஆம் தேதி மாலை 4.25 மணிக்குப் புறப்படும் கோவை - ஷொரணூா் ரயில் (எண்: 56603), கோவை - லக்கிடி ரயில் நிலையம் இடையே மட்டுமே இயக்கப்படும். லக்கிடி - ஷொரணூா் இடையே இயக்கப்படாது.

அதேபோல, மங்களூரில் இருந்து அக்டோபா் 3-ஆம் தேதி காலை 9 மணிக்குப் புறப்படும் மங்களூரு - கோவை விரைவு ரயில் (எண்: 16324) மங்களூரு - ஷொரணூா் இடையே மட்டுமே இயக்கப்படும். ஷொரணூா் - கோவை இடையே ரத்து செய்யப்படுகிறது என அதில் தெரிவிக்கப்பட்டுள்ளது.