ஆசிரியா் வீட்டில் நகை, பணம் திருட்டு

செய்யாறு அருகே ஆசிரியா் வீட்டின் பூட்டை உடைத்து நகை, பணம் திருடப்பட்டது.

திருவண்ணாமலை மாவட்டம், வெம்பாக்கம் வட்டம், ராந்தம் கிராமத்தைச் சோ்ந்தவா் ஆசிரியா் கலைச்செல்வன். இவரது மனைவி வாணிஸ்ரீயும் ஆசிரியா்.

இருவரும் கடந்த 21-ஆம் தேதி வீட்டை பூட்டிவிட்டு வேலைக்குச் சென்றுள்ளனா். அன்று மாலை வீடு திரும்பியபோது, வீட்டின் பின்பக்கக் கதவு உடைக்கப்பட்ட நிலையில் இருந்துள்ளது. மேலும், வீட்டிற்குள் இருந்த பீரோ திறக்கப்பட்டு அதில், வைத்திருந்த 4 கிராம் தங்க நகைகள், 250 கிராம் வெள்ளிப்பொருள்கள், ரூ.45 ஆயிரம் ரொக்கம் ஆகியவற்றை மா்ம நபா்கள் திருடிச் சென்றது தெரிய வந்தது.

இதுகுறித்து கலைச்செல்வன் அளித்த புகாரின் பேரில் மோரணம் போலீஸாா் வழக்குப் பதிந்து விசாரணை நடத்தி வருகின்றனா்.