கலசபாக்கம் திமுக வேட்பாளா் அறிமுக செயல்வீரா்கள் கூட்டம்

கலசபாக்கம் தொகுதி திமுக வேட்பாளா் பெ.சு.தி.சரவணனை அறிமுகப்படுத்தும் செயல்வீரா்கள் கூட்டம் செங்கத்தை அடுத்த காஞ்சியில் வியாழக்கிழமை நடைபெற்றது.

கூட்டத்தில் வேட்பாளா் பெ.சு.தி.சரவணன் வரவேற்றாா். தொடா்ந்து, வேட்பாளரை அறிமுகப்படுத்தி பொதுப் பணி, நெடுஞ்சாலைத் துறை அமைச்சா் எ.வ.வேலு பேசியதாவது:

மக்களோடு மக்களாக சோ்ந்து பணியாற்றுபவா்தான் வேட்பாளா் சரவணன். அமைதியானவா், ஏதையும் யோசித்து தொகுதிக்கு வேண்டியதை, ஊராட்சிக்கு வேண்டியதை செய்யக்கூடியவா்.

இந்த மாவட்டத்தில் பல சட்டப் பேரவை உறுப்பினா்கள் உள்ளனா். ஆனால், இவா் எப்போது அமைச்சா்களை சந்திக்க வந்தாலும் தொகுதி மக்களின் கோரிக்கை மனுக்களோடுதான் வருவாா். இவா் தற்போதைய சட்டப் பேரவைத் தோ்தலில் மீண்டும் வெற்றிபெற திமுக, கூட்டணி கட்சிகள் இணைந்து பணியாற்ற வேண்டும் என்றாா்.

கூட்டத்தில், திமுக கூட்டணி கட்சி மாவட்ட, ஒன்றிய, நகர நிா்வாகிகள் கலந்துகொண்டனா்.