பெண்ணிடம் கத்தியை காண்பித்து மிரட்டி தங்கக் கம்மல் பறிப்பு

மீஞ்சூா் அடுத்த நெய்தவாயல் கிராமத்தில் சாலையில் நடந்து சென்ற பெண்ணிடம் கத்தியை காண்பித்து மிரட்டி காதில் அணிந்திருந்த ஒரு பவுன் தங்க கம்மலை பறித்துச் சென்ற இரண்டு பேரை போலீஸாா் தேடி வருகின்றனா்.

மீஞ்சூா் அருகே உள்ள நெய்தவாயல் ராஜாதோப்பு கிராமத்தில் வசித்து வரும் நரேஷ் மனைவி மீனாட்சி (42). இவா் சென்னை திருவொற்றியூரில் உள்ள தனியாா் நிதி நிறுவனத்தில் பணியாற்றி வருகிறாா்.

வழக்கம் போல் வேலைக்கு சென்று விட்டு அரண்வாயல் பகுதியில் இருந்து ஷோ் ஆட்டோவில் நெய்தவாயல் சென்றாா். அங்கிருந்து வீட்டுக்கு சாலையில் நடந்து சென்று கொண்டிருந்த போது இரு சக்கர வாகனத்தில் வந்த 2 போ் அவரிடம் கத்தியை காண்பித்து மிரட்டி காதில் அணிந்திருந்த ஒரு பவுன் தங்க கம்மலை பறித்துக் கொண்டு மின்னல் வேகத்தில் தப்பிச் சென்றனா்.

இதுகுறித்த புகாரின் பேரில் மீஞ்சூா் போலீஸாா் வழக்குப் பதிந்து விசாரணை செய்து வருகின்றனா்.