டேராடூன் ராணுவக் கல்லூரியில் 8-ஆம் வகுப்பு சோ்க்கை: அக். 15-க்குள் விண்ணப்பிக்கலாம்

டேராடூனில் உள்ள ராணுவக் கல்லூரியில் எட்டாம் வகுப்பில் மாணவா் சோ்க்கை பெறுவதற்கு அக். 15-ஆம் தேதிக்குள் விண்ணப்பிக்கலாம் எனத் தெரிவிக்கப்பட்டுள்ளது.

கோப்புப் படம்

Updated On :4 அக்டோபர் 2025, 1:38 am

டேராடூனில் உள்ள ராணுவக் கல்லூரியில் எட்டாம் வகுப்பில் மாணவா் சோ்க்கை பெறுவதற்கு அக். 15-ஆம் தேதிக்குள் விண்ணப்பிக்கலாம் எனத் தெரிவிக்கப்பட்டுள்ளது.

இது குறித்து பள்ளிக் கல்வித் துறை இயக்குநரகம் சாா்பில் அனைத்து மாவட்ட முதன்மைக் கல்வி அலுவலா்களுக்கு அனுப்பப்பட்டுள்ள சுற்றறிக்கை:

உத்தரகண்ட் மாநிலம், டேராடூனில் உள்ள இந்திய ராணுவக் கல்லூரியில் 2025-2026-ஆம் கல்வியாண்டு 8-ஆம் வகுப்பு மாணவா் சோ்க்கைக்கான நுழைவுத் தோ்வு டிச. 7-ஆம் தேதி நடைபெற உள்ளது. இந்தத் தோ்வு சென்னையிலும் நடைபெறும். இதில் தோ்ச்சி பெறுபவா்களுக்கு நோ்முகத் தோ்வு நடத்தப்படும்.

இந்தத் தோ்வுக்கான விண்ணப்பப் படிவம், மாதிரி வினாத்தாள் தொகுப்பை ‘கமாண்டன்ட், ராஷ்டிரிய இந்திய ராணுவக் கல்லுாரி, டேராடூன், உத்தரகண்ட் - 248 003’ என்ற முகவரிக்கு விரைவுத் தபால் வழியே விண்ணப்பக் கடிதம், கேட்புக் காசோலை ஆகியவற்றை அனுப்பிப் பெற்று கொள்ளலாம்.

பொதுப் பிரிவினா் ரூ.600-க்கும், எஸ்சி, எஸ்டி பிரிவினா் ரூ.555-க்கும் காசோலை எடுக்க வேண்டும். பட்டியலினத்தவா்கள் ஜாதி சான்றிதழ் நகலும் சோ்த்து அனுப்ப வேண்டும். பின்னா், பூா்த்தி செய்த விண்ணப்பங்களை அக்.15-ஆம் தேதிக்குள் அனுப்ப வேண்டும். இந்தத் தகவலை பள்ளி மாணவா்களுக்கு தெரிவிக்க வேண்டும்.

மேலும், விழிப்புணா்வை ஏற்படுத்தி ஆா்வமுள்ளவா்கள் சோ்க்கை பெற நடவடிக்கை எடுக்க வேண்டும் என அதில் தெரிவிக்கப்பட்டுள்ளது.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

தொடர்புடையது