பிரேஸில் அதிபர் லூலா டாசில்வாவுக்கு பிரதமர் மோடி வாழ்த்து!

பிரேஸில் அதிபர் தேர்தலில் மீண்டும் வெற்றி பெற்றுள்ள லூலா டாசில்வாவுக்கு பிரதமர் நரேந்திர மோடி திங்கள்கிழமை வாழ்த்து தெரிவித்தார்.

தென் அமெரிக்க நாடான பிரேஸில் அதிபர் தேர்தலின் இரண்டாம் சுற்று வாக்குப்பதிவு ஞாயிற்றுக்கிழமை (அக். 25) நடைபெற்றது. இதில், தற்போதைய அதிபரான லூலா டாசில்வா (80) 51.21% வாக்குகளைப் பெற்று மீண்டும் வெற்றி பெற்றுள்ளார்.

இந்த நிலையில், லூலா டாசில்வாவுக்கு வாழ்த்து தெரிவித்து பிரதமர் நரேந்திர மோடி எக்ஸ் தளத்தில் பதிவிட்டுள்ளார்.

அந்த பதிவில் பிரதமர் மோடி தெரிவித்திருப்பதாவது:

“என் அன்பு நண்பர், அதிபர் லூலா பெற்ற மகத்தான தேர்தல் வெற்றிக்கு என் மனமார்ந்த வாழ்த்துகள்.

பல்வேறு பரிமாணங்களைக் கொண்ட இந்தியா - பிரேஸில் வியூகக் கூட்டாண்மையை மேலும் ஆழப்படுத்தவும் விரிவுபடுத்தவும் அவருடன் நெருக்கமாகப் பணியாற்ற ஆவலுடன் உள்ளேன்.

நாம் இணைந்து, பல்வேறு துறைகளில் நமது ஒத்துழைப்பைத் தொடர்ந்து வலுப்படுத்துவோம். தெற்குலகில் பகிரப்பட்ட முன்னுரிமைகளை முன்னெடுத்துச் செல்வோம். மேலும் அனைவரையும் உள்ளடக்கிய, சமத்துவமான மற்றும் நிலையான ஒரு உலகத்தை நோக்கிப் பணியாற்றுவோம்” என்று குறிப்பிட்டுள்ளார்.