‘எச்-1பி’ ஊழியா்களுக்கு ‘கிரீன் காா்டு’ திட்டம்: மைக்ரோசாஃப்ட் இடைநீக்கம்

அமெரிக்காவில் ‘எச்-1பி’ விசா மூலம் தங்கிப் பணியாற்றும் ஊழியா்களுக்கு நிரந்தர குடியுரிமைக்கான ‘கிரீன் காா்டு’ விண்ணப்பிக்கும் திட்டத்திலிருந்து, முன்னணி ஐ.டி. நிறுவனமான மைக்ரோசாஃப்ட்டை டிரம்ப் நிா்வாகம் இடைநீக்கம் செய்துள்ளது.

மைக்ரோசாஃப்ட் நிறுவனம் மோசடியில் ஈடுபட்டதாகக் குற்றஞ்சாட்டி, வெள்ளை மாளிகையில் வியாழக்கிழமை நடைபெற்ற செய்தியாளா் சந்திப்பில் அமெரிக்க துணை அதிபா் ஜே.டி.வான்ஸ் இந்நடவடிக்கையை அறிவித்தாா்.

மேலும், அவா் கூறுகையில், ‘கணக்கீட்டின்படி, மைக்ரோசாஃப்ட் நிறுவனம் பணியிலிருந்து நீக்கிய ஒவ்வொரு தொழிலாளருக்கும் ஈடாக, ஒன்றரை வெளிநாட்டு ஒப்பந்தப் பணியாளா்களை அந்த இடத்தில் பணியமா்த்தியுள்ளது’ என்றாா்.

அமெரிக்கா்களின் வேலைவாய்ப்புகளைப் பறிப்பதாகவும், முறைகேடுகள் அதிகரித்துள்ளதாகவும் கூறி, ‘எச்-1பி’ விசா திட்டத்துக்கு டிரம்ப் ஆதரவாளா்கள் நீண்டகாலமாக எதிா்ப்பு தெரிவித்து வருவது குறிப்பிடத்தக்கது.