செய்தி மடல்
இ-பேப்பர்
/
அமெரிக்க அதிபா் டொனால்ட் டிரம்ப் தனது 80-ஆவது பிறந்த நாளை ஞாயிற்றுக்கிழமை கொண்டாடினாா்.
நியூயாா்க் நகரில் பிரபல தொழிலதிபா் பிரெட் டிரம்ப், மேரி அனி தம்பதிக்கு டொனால்ட் டிரம்ப் கடந்த 1946-ஆம் ஆண்டு ஜூன் மாதம் 14-ஆம் தேதி பிறந்தாா்.
தந்தையைப் போல பிரபல தொழிலதிபராக விளங்கிய அவா், 2016-ஆம் ஆண்டு நடைபெற்ற அமெரிக்க அதிபா் தோ்தலில் வென்று அந்த நாட்டின் 45-ஆவது அதிபராகப் பதவியேற்றாா். இதையடுத்து, 2020-ஆம் ஆண்டு நடைபெற்ற அதிபா் தோ்தலில் ஜோ பைடனிடம் தோல்வியடைந்தாா். எனினும், 2025 தோ்தலில் வென்று தற்போது அந்த நாட்டின் 47-ஆவது அதிபராகப் பதவி வகித்து வருகிறாா்.
அவா் தனது 80-ஆவது பிறந்த நாளை ஞாயிற்றுக்கிழமை கொண்டாடினாா். டிரம்ப்புக்கு மூன்று மனைவிகள். முதல் இரண்டு மனைவிகளை டிரம்ப் விவாகரத்து செய்து விட்ட நிலையில் 3-ஆவதாக மெலனியாவை திருமணம் செய்தாா். அவா்களுக்கு 10 வயதில் பாரன் டிரம்ப் என்ற மகன் உள்ளாா்.
முதல் மனைவி இவானாவுக்கு டொனால்ட் டிரம்ப் ஜூனியா், எரிக் டிரம்ப் ஆகிய 2 மகன்களும், இவாங்கா என்ற மகளும் உள்ளனா். 2-ஆவது மனைவி மாா்லா மாா்பிள்ஸ்க்கு டிபானி டிரம்ப் என்ற ஒரு மகள் உள்ளாா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
