பாகிஸ்தான்: ராவல்பிண்டியில் கடும் வெப்பம்; தண்ணீர் பஞ்சம்

பாகிஸ்தானின் ராவல்பிண்டியில் வெப்பநிலை கடுமையாக உயர்ந்து வரும் நிலையில், கடும் தண்ணீ தட்டுப்பாடு ஏற்பட்டுள்ளது. அங்குள்ள ஏரி, குளங்கள் வறண்டு போனதே இதற்குக் காரணமாகக் கூறப்படுகிறது.

ராவல்பிண்டிக்கு நாள் ஒன்றுக்கு 59 மில்லியன் கலோன் தண்ணீர் தேவைப்படும் நிலையில், ஞாயிறன்று 46 மில்லியன் கலோன் தண்ணீர்தான் வழங்கப்பட்டுள்ளது.

அதே வேளையில், ராவல்பிண்டியில் நிலத்தடி நீர்மட்டம் 650 அடிக்கும் கீழ் சென்றுவிட்டதால், கடுமையான தண்ணீர் பஞ்சம் ஏற்பட்டுள்ளது.

ஒரு பக்கம் தேவையான தண்ணீர் கிடைக்காமலும், கடும் வெப்பத்திலும் ராவல்பிண்டி மக்கள் கடும் அவதிக்குள்ளாகியுள்ளனர்.