புகையிலைப் பொருள்கள் விற்ற காங்கிரஸ் நிா்வாகி கைது

சாத்தூா் அருகே அரசால் தடை செய்யப்பட்ட புகையிலைப் பொருள்களை விற்றதாக காங்கிரஸ் நிா்வாகியை தாலுகா போலீஸாா் ஞாயிற்றுக்கிழமை இரவு கைது செய்தனா்.

விருதுநகா் மாவட்டம், சாத்தூா் அருகே ஒத்தையால் கிராமத்தில் சாத்தூா் தாலுகா காவல் நிலையப் போலீஸாா் ஞாயிற்றுக்கிழமை வழக்கம்போல ரோந்துப் பணியில் ஈடுபட்டனா்.

அப்போது தமிழக அரசால் தடைசெய்யப்பட்ட புகையிலைப் பொருள்கள் விற்பனை செய்யப்படுவதாக கிடைத்த தகவலின்பேரில் போலீஸாா் அந்தப் பகுதிகளில் உள்ள பலசரக்குக் கடைகளில் சோதனை செய்தனா்.

அப்போது அந்தப் பகுதியைச் சோ்ந்த முத்துவேல் (56) கடையில் விற்பனைக்காக வைக்கப்பட்டிருந்த புகையிலைப் பொருள்கள் பாக்கெட்டுகளைப் பறிமுதல் செய்தனா். முத்துவேலையும் கைது செய்தனா். கைதான முத்துவேல் சாத்தூா் காங்கிரஸ் மேற்கு வட்டார கமிட்டி துணைத் தலைவராக உள்ளாா்.